Musubilaghe u Yehova Pala Mwakomana ni Ntamyo

Ukunyoziwa kungapangisya ukuti tutakahobokaghe sona tutamiwanje inyinong’ono. Nanti twanda ukoghopa bo bakutususya ichifukwa cha vyo tukusubila vingapangisya ukuti ubumanyani bwitu nu Yehova bukomanike. Ka mungifighilila buli-buli ku bantu abakususya aba?

Ababombi ba Yehova abinji bakwanisya ukumalana ni ntamyo iyi ichifukwa cha kumusubila u Yehova. (Sali. 18.17) Umwakufwanikizya, u Esitele akavumbula ivintu ivibibi vyo u Hamani akalondagha ukubomba. (Este. 7.1-6) Bo achili ukubomba ivintu ivi, akalangizya ukuti akamusubila u Yehova umwakutuzya ukulya. (Este. 4.14-16) U Yehova akasaya vyo akabomba sona akamufighilila poka na bantu abakukwabo.

Bachinyamata, pala yumo akubatamya, mungalaba ubutuli kwa Yehova sona mungababuzya abasongo bo baghomite mwabuzimu pamo abapapi binyu ivya ntamyo yo mukukomana nayo. Numwe mungasimikizya ukuti u Yehova angabavwa ngati mo akamwavwizya u Esitele. Nkimba choni ichamwabo cho chingabavwa ukuti mujimbe pala mukunyoziwa?

ENELEZYA IVIDIYO IYAKUTI UBUMI BWANE UBWACHINYAMATA—KA NINGABOMBA BULI-BULI NANTI ABAMWITU BAKUNTAMYA? NU KWAMULA AMALALUSYO AGHA:

• Ka abachinyamata bangamanyilako choni kwa Charlie nu Ferin?

  U ansala winyu

• Ka abapapi bangamanyilako choni kwa Charlie nu Ferin pa nkani iya mo bangabavwizya abana babo ukuti bajimbaghe pala bakunyoziwa?

  U ansala winyu