Ka u Yesu Akabombagha Choni bo ali Pachisu Ichapasi?

Abantu abinji bakinong’onagha ukuti u Yesu te mutuli, te mulaghuzi uwamahala, pamo umuntu yo akafwila abantu. Loli tungamanya ivyinji pakumanyila ivya bumi bwa Yesu po akaba pachisu ichapasi. Mumutu uwu, inti mumanyile ivintu vimo ivyakulondiwa vyo akabomba bo ali pachisu ichapasi sona mo vingabavwizya.

1. Nkimba mbombo buli iyikulu yo u Yesu akabombagha?

Imbombo yo u Yesu akabombagha yikaba ‘yakulumbilila amazyu amiza agha Bumwene bwa Chala.’ (Belenga Luka 4.43.) Akalumbililagha amazyu amiza aghakuti u Chala akwiza ukwimika ubumwene pamo iboma lyo likwiza ukumazya intamyo zyosi zyo abantu bakukomana nazyo.a U Yesu akabikapo umoyo pakumanyisya abantu amazyu aghakukazya agha, kwa myaka yitatu nu hafu.—Matayi 9.35.

2. Choni cho u Yesu akabombagha iviswigho?

Ibayibolo likulingannya ukuti ‘imbombo izya maka izya Chala, iviswigho ni vintu ivyakuboneka vikalangiziwa nu kusimikiziwa ukwendela mwa [Yesu].’ (Imbombo 2.22) Na maka gha Chala, u Yesu akakwanisya ukulaghila ichipeliwa, ukulyesya abantu amasawuzandi aghinji, ukupozya ababine, nu kuzusya abafwe. (Matayi 8.23-27; 14.15-21; Maliko 6.56; Luka 7.11-17) Ivintu ivyakuswighisya vyo u Yesu akabombagha vikalangizya pabuzelu ukuti akatumiwa nu Chala. Vikalangizya sona ukuti u Yehova ali na maka aghakumazya intamyo zyosi.

3. Nkimba tungamanyila choni pa mo u Yesu akikalilagha?

U Yesu akivwilagha u Yehova pa chilichosi. (Belenga Yohani 8.29.) U Yesu akabomba vyosi vyo u Tata wache akamutuma ukuti abombe. Akalangizya ukuti umuntu angamubombela u Chala napo akwikala mutubalilo utupala-pala. Cho chifukwa u Yesu akabalekela “ichifwanikizyo umwakuti mukonke munyayo zyache.”—1 Pitala 2.21.

5. U Yesu akamanyisya ubwanaloli

Ukongelezyapo pakulumbilila amazyu amiza agha Bumwene bwa Chala, u Yesu akamanyisyanga ivintu vyo vingabavwa abantu. Ennya ivifwanikizyo vimo vyo u Yesu akamanyisya pa Bulumbilili ubwa Pighamba. Belenga Matayi 6.14, 34; 7.12, nu kwamula amalalusyo agha:

• Ukuyana na mavesi agha, nkimba bulongozi buli ubwakwavwa bo u Yesu akamanyisya?

• Ka mukwinong’ona ukuti ubulongozi ubu buchili bwakwavwa amasiku ghano?

6. U Yesu akabombagha iviswigho

U Yehova akamupa amaka u Yesu ukuti abombaghe iviswigho. Ukuti mwennye ichifwanikizyo, belenga Maliko 5.25-34 pamo enelezya IVIDIYO, nu kwamula amalalusyo.

IVIDIYO: Umukolo Umubine Apola (5:10)

• Ukuyana ni vidiyo, nkimba umukolo umubine akasubilagha ichoni?

• Nkimba choni cho chabahobosya pa nkani iya chiswigho ichi?

Belenga Yohani 5.36, nu kwamula ilalusyo ili:

• Nkimba iviswigho vyo u Yesu akabombagha ‘vikabikilagha ubukaboni’ buli?

IFUNDO IZYAKUDUMULA

U Yesu akalumbililagha ivya Bumwene bwa Chala, akabombagha iviswigho sona akamwivwilagha u Yehova na po chikaba chipala ukubomba bunubu.

Ukunyokelamo

• Nkimba mbombo buli iyikulu yo u Yesu akabombagha bo ali pachisu ichapasi?

• Nkimba iviswigho vyo u Yesu akabomba vikulangizya choni?

• Nkimba fundo buli izyakwavwa zyo u Yesu akamanyisyanga?

IFUNDO IZYAKONGELEZYAPO

Nkimba nkani buli yo u Yesu akaghana nkani ukunena?

“Chifukwa Wuli Yesu Wakatemwanga Kuyowoya vya Ufumu wa Chiuta?” (Ichitembe cha Mulindilili icha Chitumbuka, Okutobala 1, 2014)

Manya ichifukwa cho tungasubila ukuti iviswigho vyo u Yesu akabombagha vyabwanaloli.

“Kasi Tikusambirako Vichi ku Minthondwe Iyo Yesu Wakachita?” (Ichitembe cha Mulindilili icha Chitumbuka, Julayi 15, 2004)

Belenga mo ubumi ubwa mwanavuli yumo bukasintila bo amanyila mo u Yesu akabatulilagha abantu.

“Nkhaŵa Wakujighanaghanira Nekha” (Ichitembe cha Mulindilili icha Chitumbuka, Okutobala 1, 2014)

Ennya mo u Yesu akabombelagha imbombo izikulu.

“Ivyo Yesu Wakachita Apo Wakaŵa pa Charu Chapasi” (Malemba Ghakupatulika mu Mang’anamuliro gha Charu Chiphya, Vyakusazgirapo A7)