Mo Ichipanga Chabwanaloli Chikwendesezya Ivintu

U Yehova we Chala uwa ndondomeko. (1 Aba Kolinti 14.33) Cho chifukwa ababombi bache bope bakukolelana. Nkimba ivintu vikwenda buli-buli mu chipanga icha Chikilisitu? Nkimba mungabombapo ichoni ukuti ivintu vibukilile ukwenda akiza?

1. Ka we wenu yo akutangilila ichipanga?

“U Kilisitu we mutu uwa chipanga.” (Aba Efeso 5.23) Napo ali kumwanya, loli weyo akwenelezya imbombo zyo abantu ba Yehova bakubomba pachisu chosi ichapasi. U Yesu imikite ‘uwambombo umusubaliwa nu wamahala’—ko kagulu ka basongo bo baghomite mwabuzimu, ko kakwitiziwa ukuti Akagulu Akakwenelezya. (Belenga Matayi 24.45-47.) Ukuyana na mo vikabela na batumiwa sona na basongo aba ku Yelusalemu, Akagulu Akakwenelezya koko kakupeleka ubulongozi ku vipanga ivya Bakaboni ba Yehova pa chisu chosi ichapasi. (Imbombo 15.2) Loli bo bali mukagulu aka te balongozi ba gulu lya Yehova. Bakubelenga Ibayibolo ukuti bamanye vyo u Yehova akulonda ukuti babombe sona bakukonka nu moyo ghosi ubulongozi ubwakufuma kwa Yesu.

2. Nkimba abasongo bo bawenu, ka bakubomba mbombo buli?

Abasongo banavuli bo baghomite mwabuzimu, bo bakumanyisya abantu ba Yehova ifundo zya mu Bayibolo sona bakubavwa nu kubaghomya. Na yumo yo akubalipila pa mbombo yo bakubomba. Loli bakubomba, ‘ukuyana na mumo u Chala akulondela ukuti mubombelaye. Mutakabombaye imbombo yinyu nu moyo uwa kunyonywa indalama, loli mubombaye nu moyo uwakwiyipa pakubomba.’ (1 Pitala 5.1, 2) Abavwilizyi abachipanga, banavuli bo bakwavwa abasongo abachipanga. Nanti penda akabalilo bakwitikiziwa ukuba basongo bachipanga.

Akagulu Akakwenelezya kakusala abasongo bamo ukuti babe bakwendela idela. Bakwendela ivipanga ivyakupambana-pambana ukuti babape ubulongozi nu kubaghomya abakamu na bayemba. Abakwendela idela aba, bo bo bakusala abasongo na bavwilizyi abachipanga pakubombezya ifundo izya Bayibolo.—1 Timoti 3.1-10, 12; Titi 1.5-9.

3. Nkimba Ukaboni wa Yehova aliwesi ali nu budindo buli?

Aliwesi mu chipanga ‘akulipala izina lya Yehova’ pala akwamulapo pa nkomano, ukunena inkani, ukwimba inyimbo sona nu kubomba imbombo iya bulumbilili ukuyana na mo angakwanisizya.—Belenga Salimo 148.12, 13.

MANYA IVYINJI

4. U Yesu mulongozi uwachisa

U Yesu akutwitizya ukuti tumukonke. Belenga Matayi 11.28-30, nu kwamula ilalusyo ili:

• Ka u Yesu akulonda ukuti tuyivwanje buli-buli na mo akutulongozezya?

IVIDIYO: Abasongo Bakabombapo Zimo ku Nepal bo Akasenyenta Kabombiwa (4:56)

Ibayibolo likumanyisya akiza mo abasongo bangabombela akiza imbombo yabo.

Belenga Yesaya 32.2; 1 Pitala 5.1-3, nu kwamula amalalusyo agha:

• Ka mukwiyivwa buli-buli pakumanya ukuti ngati we Yesu, abasongo bakubapelela ichisa abamwabo?

• Nkimba zila buli izyamwabo zyo abasongo bakulangizizya ukuti bakukonka ichifwanikizyo cha Yesu?

5. Abasongo ba chipanga bakulangizya ichifwanikizyo ichiza

IVIDIYO: Abasongo ba Chipanga Bakutangilila Akiza! (7:39)

U Yesu abikite ifundo izyakuti bo bakutangilila mu chipanga bendelaghe. Belenga Matayi 23.8-12, nu kwamula ilalusyo ili:

• Choni cho chikubahobosya nanti mukwennya impambano yo yilipo pakasi pa fundo zyo abasongo bakwendela na vyo mukuvyennya ku basongo aba machalichi?

1. Abasongo ba chipanga bakughomya ubumanyani bwabo nu Yehova sona bakwavwa imbumba zyabo ukuti zyope zibombaghe bunubu

2. Abasongo bakwavwa aliwesi mu chipanga

3. Abasongo bakulumbilila

4. Abasongo ba chipanga bamanyisi. Bakwavwa sona pa mbombo iyakuswefya pa Nyumba ya Bumwene ni mbombo izyamwabo

6. Tungakolelana na basongo ba chipanga

Ibayibolo likutubuzya ichifukwa ichakwivwika cho tubaghiye ukukolelana na basongo ba chipanga. Belenga Aba Hebeli 13.17, nu kwamula ilalusyo ili:

• Choni cho Ibayibolo likunena ukuti tukulondiwa ukubivwila nu moyo wosi bo bakututangilila? Ka umwe mukwinong’ona buli-buli?

Belenga Luka 16.10, nu kwamula ilalusyo ili:

• Choni cho chakulondiwa ukubivwila abasongo akabalilo kosi na pa tuntu utunandi?

IFUNDO IZYAKUDUMULA

U Yesu mutu wa chipanga. Tukuhoboka pakukolelana na basongo ba chipanga ichifukwa bakutupelela ichisa sona bakutumanyisya ukwendela mu vyo bakubomba.

Ukunyokelamo

• Ka umutu wa chipanga we wenu?

• Ka abasongo aba chipanga bakwavwa buli-buli mu chipanga?

• Nkimba umubombi wa Yehova aliwesi akulondiwa ukubomba choni?

IFUNDO IZYAKONGELEZYAPO

Ennya ubukaboni bo bukulangizya ukuti Akagulu Akakwenelezya na basongo aba chipanga bakubinong’onela Abakilisitu amasiku ghano.

Ukubaghomya Abakamu Mukabalilo aka Bani (4:22)

Manya imbombo yo abakwendela idela bakubomba.

Ubumi Ubwa Uwakwendela Idela uwa Kukaya (4:51)

Belenga inkani yo yikulingannya imbombo yo abakolo ali nayo mu chipanga.

“Kasi Ŵanakazi Awo Mbakaboni ŵa Yehova Ŵakupharazga?” (Ichitembe cha Mulindilili icha Chitumbuka, Seputembala 1, 2012)

Manya mo abasongo ba chipanga bakubikilapo umoyo ukuti babaghomye Abakilisitu abamwabo.

“Ŵalara ‘Mbanchito Ŵanyithu Kuti Tiŵe Ŵacimwemwe’” (Ichitembe cha Mulindilili icha Chitumbuka, icha Janiwale 15, 2013)