LEKTIOUN 51

Jehova eng Freed maachen, wa mir oppassen, wéi mir schwätzen

Gedréckte Versioun

Wéi Jehova eis erschafen huet, huet hien eis e wonnerbare Kaddo ginn: d’Fäegkeet ze schwätzen. Ass et him wichteg, wéi mir dës Fäegkeet gebrauchen? Jo, et ass him esouguer ganz wichteg. (Lies Jakobus 1:26.) Wéi kënne mir Jehova duerch d’Aart a Weis ewéi mir schwätzen, eng Freed maachen?

1. Wéi kann ee mat Wierder eppes Guddes bewierken?

D’Bibel seet eis: „Macht euch weiter gegenseitig Mut und baut einander auf“ (1. Thessalonicher 5:11). Fält dir een an, deen de Mutt verluer huet? Wat kéints du maachen, fir datt hien sech besser fillt? So him, datt hien dir wichteg ass a wat s du un him schätz. Vläicht kanns du och e Bibeltext eraussichen, deen him Mutt mécht. Et gëtt esou vill schéi Bibeltexter. A wat och wichteg ass: Et kënnt net nëmmen dorop un, wat ee seet, mee och wéi een et seet. Probéier ëmmer frëndlech an duuss ze schwätzen (Sprüche 15:1).

2. Op wat soll ee beim Schwätzen oppassen?

D’Bibel seet: „Kein schlechtes Wort soll aus eurem Mund kommen.“ (Lies Epheser 4:29.) Dat heescht, mir fluchen net a gebrauche keng obszön Ausdréck. Mir maachen och keng Bemierkungen, déi beleidegen a verletzen. Mir schwätzen net schlecht iwwer anerer, erzielen net eppes weider, wat vertraulech ass, a verbreede keng Ligen. (Lies Sprüche 16:28.)

3. Wat wierkt sech positiv op eis Sprooch aus?

Wouriwwer mir schwätzen, verréit vill doriwwer, wat an eisem Häerz ass a wat eis beschäftegt (Lukas 6:45). Mir mussen also léieren, eis op dat ze konzentréieren, wat positiv ass – op dat, wat gerecht, reng, léif a luewenswäert ass (Philipper 4:8). Dat fält eis méi liicht, wa mir oppassen, wat mir lauschteren oder eis ukucken a wéi eng Frënn mir hunn (Sprüche 13:20). Éier een eppes seet, soll een iwwerleeën, wéi dat bei aneren ukënnt. D’Bibel seet: „Gedankenlose Worte sind wie Schwertstiche, aber die Zunge der Weisen bringt Heilung“ (Sprüche 12:18).

AN DEN DETAIL GOEN

Wéi ee schwätze soll, datt et anere gutt deet a Jehova gefält.

4. Eis Wierder kontrolléieren

Jiddweree vun eis seet emol eppes, wat him dono leed deet (Jakobus 3:2). Galater 5:22, 23 liesen. Dozou dës Froen:

Ëm wat fir eng vun dësen Eegenschafte kéints du bieden, fir datt s du net eppes sees, wat dir dono leed deet? Wéi kënnen dir dës Eegenschaften hëllefen?

1. Korinther 15:33 liesen. Dozou dës Fro: