Mwana wa mufwiri wumosi wuvutulu bâ wa moyo

Mvula bu zakangama, Yehova watâ kwe Eliya: ‘Yenda ku Zarefate. Mufwiri we kûna wukuhana bidia.’ Ha mwelo wa hata dio, Eliya wamona mufwiri wa mputu weri totaka nkuni. Yandi wamulomba kopa dia mamba. Bu keri kwe dia dingaka, Eliya wamutâ mbila: ‘Mulemvo’âku, kungana tibuku tia dimpa.’ Kâ mufwiri wo wamutêla: ‘Ka ndiena na dimpa ko di ndendi ku hana. Ndambu farine ye nani na mafuta mu lamba mwa bidia mu bungu dia mwana’ani na meno.’ Eliya wamutêla: ‘Yehova kanisini ti tala ti tokolo kundirikila dimpa, farine’aku na mafuta maku ka biwa ko ntete mvula zavutu bwa.’

Buna mufwiri wo wayenda ku nzo’andi mpe walamba dimpa mu bungu dia mbikuri ya Yehova. Ntiana bwa kanisina wo Yehova, mufwiri na mwana’andi ka bakondo’â bidia ko ntangu yayansoni yeri lembo nokaka mvula. Mbungu’andi ya farine na ya mafuta ya fuluka kwa yeri bâka.

Ha manima, musamu wa mpasi watulumuka. Mwana wa mufwiri wo wayizi bâ na timbevo tia ngolo mpe wafwa. Yandi walomba kwe mbikuri kamubakisa. Eliya wabonga mwana mu moko mandi mpe wamunata ku chambre mosi yabâ ku zulu mu nzo’awu. Eliya wasêkesa mwana ku mfulu, mpe wasambila: ‘Yehova mulemvo’aku, kârisa mwana wu ku luzingu.’ Ngano zebi mu bungu dia nti waketi bêla musamu wa nzitukulu waketi yirika Yehova? Mu bungu ti ka kwa toko’â bâ muntu ko wavumbuka kwe ba fwa. Mboko, mufwiri wo na mwana’andi ka babâ bala ba Israele ko.

Ntono misamu mio, mwana wavutu bâ wa moyo, mpe wavutu batika mu wumuna! Eliya watâ kwe mufwiri: ‘Tala! Mwana’aku wa moyo wena.’ Yandi wafuluka mu nsayi mpe watâ kwe Eliya: ‘Nge nkatika muntu wa Nzambi wena. Wa nzebi mu bungu ti mio kwa mi ku têlaka Yehova tâka.’