Yehova watindisa Eliya

Yezabele wayizi wâ misamu miatûrila mbikuri za Bale, mpe watomo baka nkesi. Yandi watambika nsangu kwe Eliya: ‘Mbazi mbo fwa ntiana mbikuri za Bale.’ Eliya wabaka bunkuta, mpe wadioka ku sese. Yandi wasambila: ‘Yehova, ka nita vutu lenda ko. Kumbika nafwa.’ Mu bungu ti wa fwatika wabâ, Eliya wabwa tolo ku nsi’a muti wumosi.

Mbazi yimosi yavumbula Eliya, mpe yamutêla mu malembe: ‘Vumbuka mpe dia.’ Eliya wamona dimpa di batûla ha zulu matari ma tiya na yuki dia mamba. Yandi wadia, wanwa, mpe wavutu sêka. Mbazi yavutu mu vumbula mpe yamutêla: ‘Dia; ngolo ze naku nsatu mu bungu dia nzietolo’aku.’ Eliya wavutu dia ndambu. Yandi wadiata bilumbu 40 na mpimpa 40 tii bu katûla ku mongo wa Horebe. Kûna, Eliya wakota mu bulu dia matari mu sêka. Kâ, Yehova wamuzonzela mpe wamutêla: ‘Eliya nti ta sa kû?’ Eliya wavutula: ‘Bala ba Israele ka bazitisi’â kani di bakusila ko. Bawu bamwangase maziku, mpe bahondele bambikuri. Bwawu bu, me bata dinga mu honda.’

Yehova wamutêla: ‘Yenda mpe telama ha zulu mongo.’ Ntete, titembo tia ngolo tiapupa penepene na bulu dia matari. Ha manima, mudikutulu wa mutoto watulumuka, mboko hâna manima, tiya twanama. Buna, Eliya wawâ zu dia lembama. Dieka bo, Yehova wamuyula mu bungu dia nti kadiokela. Eliya wavutula: ‘Me kaka kwa nsiri.’ Kâ Yehova wamutêla: ‘Ka wena nge kaka ko. Bantu 7000 bakunsambilaka basiri ku Israele. Yenda, sola Elize ngatu kabâ mbikuri.’ Hô nkatika bendo, Eliya wayenda mu yirika misamu mia mu lomba Yehova. Ngano benzi ti, nge mpe, Yehova mbo kakubakisa tala ti yirikiri misamu mi kazololo? Diangana, mbo kakubakisa. Tatala misamu miayôka mvula bu zakangama.