Butindi bwa zonzela

Yezu nti kasa

VIDEO: Yezu ta samunina Zase

1. Tala VIDEO, peleko tanga Like 19:1-7. Ha manima taluzula biyuvu bita landa:

1. Mu bungu dia nti bantu bakaka baketi tînina Zase?

2. Ngano nti biatuma Yezu mu samunina nsangu za mbote kwe Zase?

Ngano nti tuta longoka mu Yezu?

2. Butindi bwe neto nsatu mu samuna nsangu za Timfumu kwe bantu babansoni.

Landa tifwani tia Yezu

3. Sikirila Yehova. Mpeve santu ya Nzambi yahana ngolo kwe Yezu mu samuna, yilendi ku hana mpe ngolo. (Mat. 10:19, 20; Like 4:18) Lomba kwe Yehova kakuhana butindi bwa zonzela mu samunina bantu bakutâka bunkuta.—Bis. 4:29.

4. Kubândi na mabanza ma mbi mu bantu. Tulendi kekama mu zonza na muntu mu bungu dia mpila yi kata monekena, mu bungu dia lukolo lu kasa, peleko mu mbongo ze nandi, mpila yi kanatinaka luzingu lwandi peleko mu nkwikulu zandi. Kâ bambuka ti:

1. Yehova na Yezu balendi tanga mitima; beto kâni.

2. Ka tufweti’â tabanza ko ti Yehova kalendi’â kabakisa muntu wô ko.

5. Bâ na butindi, bâ na buzitu mpe sa keba. (Mat. 10:16) Kudingandi mu disikita. Mu buzitu, sukisa timoko tala ti muntu ka wuta zoloko ko mu wâ nsangu za mbote, peleko tala ti mweni ti luzingu lwaku mu mpasi lweka.—Bin. 17:14.