Vutu dimbitila mu mio mi longokele

Ngano musamu wa mpasi wena kwe nge mu bambukila misamu mi longokele? Beto bansoni wa wuvulu tuturilaka. Nti bilendi kubakisa? Vutu taluzula mabanza ma mfunu.

Mu ntangu yita kwe longoke, bonga mwa ntangu yikubakisa mu dimbitila mu mio mita longoka. Musamu ni wo ntumwa Paulo katindisa bampangi mu yirika bu beri longokaka mukanda’andi. Watâ ti: ‘Ewu ni musamu wa nguria mfunu.’ (Ebr. 8:1) Mu mpila yo, wababakisa mu bakula misamu mi keri zolo tâka, mpe bwe misamu miango mieri kwelanaka.

Nge mpe lendi kubika mwa ntangu, kampe minite 10 ku nsuka ya ndongokolo’aku, mu dimbitila mu mabanza ma nguri mu mio mi longokele. Tala ti mio mi tengi kuta vutu mia sila nsimu ko, mu kubakisa mu vutu mia bambukila, vutu tala mitu-diambu mia fioti peleko phrase ya ntete ya muna paragrafe. Tala ti musamu wa môna longokele, yêla mu bangula wo mu ntelo za nge beni. Bu dimbitila mu mio mi longokele, ka wubâ musamu wa mpasi ko kwe nge mu bambukila mio. Mbo kwizi tomo bakula bwe lendi mia sarila mu luzingu lwaku.