NDONGOSOLO 6

Tomo songela mpila yi balendi sarila verse

Za 10:33-36

MU BUKUFI: Kutangandi kwa verse mpe mbo wazonzela diambu diakaka. Bâ na lukwikulu ti bantu bata ku wâ mbo batomo bakula tintwari tie ha kati dia verse yi tanga na diambu di zonzela.

MPILA YA SARILA:

Dukisa ntêlo za mfunu. Bu mana tanga verse, dukisa ntêlo zita delakana na mabanza mata zonzela. Buna lendi kârila ntêlo zango, peleko lendi yula tiyuvu tibakisa bantu bata ku wâ mu dzukula ntêlo zango.

Wamana sarila ntêlo za swaswana mu kârila mabanza ma mu Bibila, bâ na lukwikulu ti bantu bata ku wâ mbo batomo bakula bwe ntêlo za Bibila zita delakana na mabanza mata zonzela.
Songela mabanza ma mfunu. Tala ti ntete watanga verse tokolo songela mu bungu dia nti ta ya tangila, songela bwe ntêlo za verse zita singasala musamu wo.

Bu kwe zonzele verse, bika Bibila dia mwasi. Mbo wubakisa bantu bata ku wâ mu sa tintwari ha kati dia zonzolo’aku na verse yi tengi.
Songela mpila yi balendi tomo sarila verse. Bika mu zonzela peleko mu tangumuna misamu mita lembo singasa mabanza ma nguri. Tintwari na misamu mi zebi bantu bata ku wâ, sola nsangu zifwanane ngatu bantu bata ku wâ batomo bakula mabanza mata zonzela.