NDONGOSOLO 4

Songela mu bungu dia nti tangila verse

Matie 22:41-45

MU BUKUFI: Kubika mabanza ma bantu bata ku wâ ntete watanga verse.

Banza mu bungu dia nti tangila verse. Ntete watanga verse, tâ misamu mibakisa bantu bata ku wâ mu bakula mabanza ma nguri ma ta zolo dukisa mu verse yo.

Taluzula misamu mita zungirila verse. Tala ti zololo watanga verse, watâ nani watsoneka peleko nani ta zonza, bâ na lukwikulu ti misamu mi tâ mia matieleka miena.
Songela ti Bibila diyôkele mabuku mamansoni. Bu zonzaka kwe bantu bakwikilaka mu Nzambi, ba songela ti Bibila ni Zu dia Nzambi; buna mbo songela ti tikeko tia ndwenga tiena.
Hana bantu nsatu ya wâ verse. Yula biyuvu bibakila mvutu mu verse yo, zonzela musamu wu balendi yirika mu nzila ya mabanza ma verse yo, peleko zonzela mutieno wuta tomo moneka mu tinsamu timosi tia Bibila.

Banza mpe misamu mi zebi bantu bata ku wâ mu diambu dio, peleko mu verse yo. Ni yibâ verse ya zabakana, tâ misamu mihana bantu nsatu mu vutu ya tanga, mpe ba bakisa mu baka ndongosolo ya môna mu verse yo.