Zíngu bwe lweri ku Paradi?

Yehova wahàna bíma bia bîngi bia biboté kwe Adam na Eve. Mbatukulu 1:28

M’kento wa ntete Yehova wakasalá ni Eve. Ní kam’kúelesa kwe Adam.​—Mbatukulu 2:21, 22.

Yehova wa bahána mayela na nítu zi lombolo na másumu, na bifuma.

Ku nsába ya nsayi beri bâ. Kueri kuma kwa tóma. Nzari yaba kúna, na mití mibuta mbútu, na bibúlu.

Yehova ni keri zonzà nâwu, keri ba longésa. Talà yandi bawùrikila, mbo baketi ba ku Paradi hà zulu m’tôto mvù na mvù.

Nzàmbi wabatéla ka badíandi mbutu yo yi ka bayimina. Mbatukulu 2:16, 17

Anje mosí yabalukila Nzàmbi. Nkumbu’a ndi Satana Diabulu.

Yehova wabatéla ka badíandi mbutu za ba ku m’tí wo wakaba yimina ngâtu balembo fwa.

Satana kazolwa ko Adam na Eve bavúmina Yehova. Ni katúma níoka katéla Eve kamana día mbutu yína kafwa kò, mbo kabá ntsiana Nzàmbi. Ntsiô bungungu kwa bweri.​—Mbatukulu 3:1-5.