Salu tsia bibakishi mu salu ni tsie?

Bibila mpila zole za bakristo ba babakala bena bizita mu tshimvuka tsi zonzele: “minkengi na bibakishi mu salu.” (Bisi-Filipe 1:1) Bakuluntu na bibakishi mu salu babingi bavulusalaka mu kontso tsimvuka. Ntsia salu bibakishi mu salu batusarilaka e?

Tsimvuka tsia bakuluntu babakisaka. Bibakishi mu salu nibaba bantwenia peleko ba mbuta tsiwisa tsiambote tsie nawu na Nzàmbi. Bena bantu ba shila ntsima mpe mu ntsima moshi basarilaka salu. Bisalu bia bilumbu bia makumatatu bitatarila nkubukulu ya tsimvuka na Nzo ya Kimfumu basalaka mu bikila bakuluntu ntangu ya tomo nata dema diawu dia longa na dia vunga.

Sarisa batusarisaka. Bibakishi mu salu biakaka salu tsiawu ni mu bwanaka bantu babansoni batakwiza ku tukutakanu. Bakaka misamu mia mikro na mizike, mia kaba mikanda, mia mbongo za tsimvuka mpe mia kaba teritware ya samuna kwe bampangi ba tsimvuka bakipaka. Mbo bayikaka mpe moko mu sa lunkete mu Nzo ya Kimfumu. Ntangu zakaka bakuluntu mbo babalombaka babakisa bampangi beto beka bambuta. Salu ni salu tsi babahanaka, tsia basalaka mu ntima moshi, ntsiangu tsimvuka tsibahanaka bujitu mu salu tsiawu tsia ngolo.​—1 Timote 3:13.

Bena tsifwani tsia mbote mu landa. Mu bungu dia bifu biawu biabibote babasolaka mu ba bibakishi mu salu. Tsiminu tsieto batsindisaka mbo basaka bimoko ku tukutakanu. Tsifwani tsia tsibote tsibahanaka mu salu tsia samuna mbo tsitupusaka beto mpe twaba na tsiya mu salu tsiango. Mbo bawisanaka bubote na bakuluntu, nsayi na tsiwisa bakurisaka mu tsimvuka. (Bisi-Efeze 4:16) Ha manima, bau mpe balenda lungisa mio milombamane mu ba bakuluntu.

• Bibakishi mu salu ntsia mpila bantu bene?

• Ntsia mpila bibakishi mu salu babakishilaka tsimvuka tsiadiata bubote?