Bilumbu bia ku mantwala bwe lu mwina bio?

BIBILA TELE NTSI

“Nzambi . . . mbo kakusuna mansangaza mu mêso mawu, lufua mpe ka luvutuâ kwa sâla ko. Ka kuvutuâ sâla mpe kifuidi, bidilu na mpasí ko, bûngu biô bia ntete kabivutuâ kua ba ko.”​—Nzabukusu 21:3, 4, Nsângu za kiêse.

NTSIA MBOTE BAKA

Mbo baka salu kia mbote ki hâna nsayi.​—Izaya 65:21-23.

Kuvutwa ba mbevo ko na mpasi za mpila na mpila.​—Izaya 25:8; 33:24.

Mbo baka zîngu kia nsayí, ki lombolo nsuka, nge na kânda diaku na bampwanazanaku.​—Mikunga 37:11, 29.

NGÂNO TUFWETI KUIKILA MIO MI TA BIBILA?

Ee, ta tala m’samu miole:

• Nzambi we na ngolo mu kukisa mio mi ka ta. Mu kati dia Bibila, Yehova kwa bata “Nkua ngolo za zônso,” mu bungu ntsi ngolo zandi ka zena na ndilu ko. (Nzabukusu 15:3) We na ngolo za zonso mu yidika mio mi ka ta mbo ka tomesa m’tôto ntsi. Ntsiana bu tele Bibila, “ka Nzambi, ka kuenâ kima ko kilembanâka.”​—Matie 19:26.

• Nzambi zololo mu lungisa mina mia ka ta. Mu tifuani, Yehova “tasuka ntima” mu kârisà zîngu kue bantu bô bafwa.​—Yobe 14:14, 15.

  Bibila tele mpe ntsi Mwana Nzambi, Yezu, wa washisa bambevo. Mu bungu dia ntsi keri sa bo? Mu bungu ntsi ni bo keri zolo. (Marke 1:40, 41) Yezu wa zolo mu sarisa bantu ntsiana Tatandi.​—Za 14:9.

  Mu buna, tulendi ba na kani ntsi Yehova na Yezu bazololo ba tusadisa ngâtu ta ba na zîngu kia mbote mu bilumbu bitakwiza!​—Mikunga 72:12-14; 145:16; 2 Piere 3:9.