Ngâno lumbu tsieko mpasi mbo zi wa’ê?

BIBILA TELE NTSI

“Nzambi . . . mbo kakusuna mansangaza mu meso mawu; lufua mpe ka luvutua kuasala ko. Kakuvutua sala mpe kifuidi, bidilu, na mpasi ko.”​—Nzabukusu 21:3, 4, Nsângu za kiêse.

NTSIA MBOTE BAKA

Twe na kani ntsi ka Nzambi’ako tu mwisaka mpasi.​—Zaki 1:13.

Nkatika nsayi mu zaba ntsi bo bu tumona mpasi, Yehova mpe mpasi ka mona.​—Zakari 2:8.

Twe na vuvu ntsi mpasi zâzanso mbo ziwa.​—Mikunga 37:9-11.

NGÂNO TUFWETI KUIKILA MIO MI TA BIBILA?

Ee, ta tala m’samu miole:

• Nzambi yinini mpasi na kondo buderede. Banzeti ka bwe Yehova keri moná ku m’tima mu ntangu ya ntama bo dikânda diandi bu beri dia mwisa mpasi. Bibila tele ntsi kiadi kia kingi kia m’baka mu bungu dia “bo beri kwe ba botase.”​—Mfundisi 2:18, Traduction du monde nouveau.

  Nzambi yinini bo ba saka bubi kwe bampwanazanawu. Mu kifuani, Bibila tele ntsi “bo ba tsamuna menga ma bantu bena mpemba,” yandi ba yinini.​—Bingana 6:16, 17.

• Nzambi muntu na muntu ka banzilaka. Bantu bena bâkaka ko “bazebi muntu na muntu mputa na mpasi zawu,” Yehova mpe za ka zebi!​—2 Ntangu 6:29, 30.

  Ntantama, Yehova mbo ka sadila Kimfumu kiandi mu tula nsuka mu mpasi za muntu na muntu. (Matie 6:9, 10). Ntete miayilama, yengeza ka ta yengeza bo ba m’tomba mu m’tima mosi.​—Bisalu 17:27; 2 Bisi-Korente 1:3, 4.