NDONGOSOLO 15

Zonza na lukwikulu

1 Bisi-Tesalonike 1:5

MU BUKUFI: Songela ti lukwikulu lwe naku ti misamu mita tâ mia matieleka miena mpe mfunu miena.

Tomo kubama. Longoka diambu dio tii bu kwizi bakula mabanza ma nguri ni me, mpe bwe Bibila disongelaka ti ma matieleka mena. Yêla mu zonzela mabanza ma nguri na ntêlo zilembolo mpasi mu bakula. Tûla mutima mu mabanza malendi bakisa bantu bata ku wâ. Sambila mu baka mpeve santu.

Kârila mabanza ma tâ mu zu dia ngolo, ngatu wazabirila mo mpe watomesa mpila yi têla mo.
Sarila ntêlo zisongelaka lukwikulu. Ku kârilakandi kwa misamu mi batsonekene mu mukanda, sarilaka ntêlo za nge beni. Sola nzonzolo yisongela ti lukwikulu lwe naku mu misamu mita tâ.
Bâ na bunsungu mpe wisa. Zonza mu zu dia ngolo. Talaka bantu bata ku wâ tala ti ka bwena bubi ko mu tizunga tiaku.

Wisa bantu ka wuzololo’â tâ ko ti tufweti kondo buzitu, tufweti kwikama kwa mu mabanza meto, peleko tufweti sa tiya ngatu bantu batambula mabanza meto. Ni bu sa ti mu bunsungu ta zonzela, zonza kwe bantu bata ku wâ mu luzulo.