TIMOKO 06
Ngano luzingu bwe lwabatikila?
“Titeko tia luzingu kwe [Nzambi] tiena.” (Mikunga 36:9) Ngano wa ta kwikila? Bantu bakaka babanzaka ti luzingu ka basala lo ko. Tala ti wa matieleka wena, dieka bo luzingu lweto ni bo kwa lwabatikila. Kâ, tala ti Yehova wasala luzingu, luzingu mbo lwaketi bâ na nsasa. Ka buna ko?a Taluzula tinsamu tia Bibila tia mbatukulu ya luzingu, mpe mu bungu dia nti wufwanakane takwikila tinsamu tio.
1. Ngano nza bwe yabatikila?
Bibila ditêle ti: “Ku mbatukulu Nzambi wayirika zulu na mutoto.” (Mbatukulu 1:1) Basiantifike babîngi mbo batambulaka ti, nza ye na mbatukulu. Ngano Nzambi bwe kayirikila nza? Nzambi wasarila “ngolo zandi za sarila”—mpeve santu’andi—mu sala bima biabiansoni bie mu nza, mbwetete, na planete.—Mbatukulu 1:2.
2. Mu bungu dia Nzambi kayirikila mutoto?
Yehova “ka mpamba ko kayirikila [mutoto], kâ wayirika wo ngatu babêla wo.” (Izaya 45:18) Yehova wasala planete’eto mu mpila ya toma, mpe ngatu bantu babêla yo mankululu. (Tanga Izaya 40:28; 42:5.) Basiantifike batâka ti mutoto wa nkatika wa nzitukulu wena, mpe wa swaswana wena na planete zakaka. Ka kwena planete yakaka ko yi bazebi yi lendi bâ bantu.
3. Ngano nti biswasikisaka bantu na bibulu?
Bu kamana yirika mutoto, Yehova wasala luzingu. Ntete, wafulusa mutoto mu miti na mu bibulu. Mpe, “Nzambi wasala muntu mu tifwani tiandi.” (Tanga Mbatukulu 1:27.) Mu bungu dia nti muntu wê wa swaswana? Mu bungu ti mu tifwani tia Nzambi batusarila, tulendi songela luzolo na buderede ntiana Yandi. Nzambi watusala mpe na lenda dia longoka mazu, lenda dia zolo bima bia toma na dia mona nsayi bu tuwâka mikunga. Mpe, tulendi sarila Yandi watusala, kâ bibulu, ka bilendi’â biasarila Nzambi ko.
YIKA NDILU
Taluzuleno misamu misongelaka ti luzingu sala basala lo. Taluzuleno mpe ti, tinsamu tia mu Bibila tizonzelaka ndiyilukulu (création), tia matieleka tiena. Longokeno bwe bifu bie na bantu bitulongesaka misamu mitariri Nzambi.
4. Luzingu sala basala lo
Bantu mbo babasîkaka mu bifwani bi bakopaka mu bima bia mu nza. Buna, nani wasala bima bio? Taleno VIDEO, mpe zonzeleno tiyuvu tita landa.
Ngano bantu nti bakopa mu bima bia mu nza?
Nzo ni nzo muntu wasala yo mpe muntu watunga yo. Kâ, nani wasala bima bia mu nza? Tangeno Bahebre 3:4, mpe zonzeleno biyuvu bita landa:
Mu bima biabiansoni bia mu nza, nti tomo monaka bia nzitukulu?
Ngano wufwanakane takwikila ti nza na bima biabiansoni bie mu nza sala basala bio? Mu bugnu dia nti?
Ngano wa wazaba?
Lendi baka bimoko na video bitariri diambu dio mu jw.org, mu mitu-diambu wa “Ngano tiawu beni tiayilama?” na wa “Mabanza matariri mpila ya batikila luzingu.”
“Diangana muna nzo, na titungi tiandi. Titungi tia biabiansoni, ni Nzambi”
5. Tinsamu tia Bibila tia ndiyilukulu, ngano tia matieleka tiena
Mu tikapu 1 tia Mbatukulu, Bibila ntûkulu ya mutoto na ya luzingu dizonzelaka. Ngano lendi kwikila tinsamu tio, peleko tia matieleka tiena? Taleno VIDEO, mpe zonzeleno biyuvu bita landa.
Ngano Bibila mbo dilongesaka ti mutoto na bima bibâka ha mutoto mu nkatika bilumbu 6 basarila bio?
Mu nge, ngano tinsamu tia Bibila tia ndiyilukulu tia delakana tiena mpe tia matieleka tiena? Mu bungu dia nti?
Tangeno Mbatukulu 1:1, mpe zonzeleno tiyuvu tita landa:
Basiantifike batâka ti nza ye na mbatukulu. Bwe misamu mi batêle mifwanakane na mio mitengi mu Bibila?
Bantu bakaka mbo batiyulaka tala ti Nzambi tivangu kasala tiayizi kula. Tangeno Mbatukulu 1:21, 25, 27, mpe zonzeleno biyuvu bita landa:
Ngano Bibila mbo dilongesaka ti Nzambi tima tia moyo kasala tiayizi kula mu kwizi bâ mbizi, bibulu peleko bantu? Peleko, ngano “mawa” ma bima bia moyo bia fioti fioti kasala?b
6. Bantu bivangu bia Nzambi biena bia nzitukulu
Ka twena nsinsa ko na bibulu bia sala Yehova. Tangeno Mbatukulu 1:26, mpe zonzeleno tiyuvu tita landa:
Mu bungu ti mu tifwani tia Nzambi batusarila, ngano lenda dieto dia songela luzolo na tiari tia mutima, nti ditusongela mu timuntu tia Nzambi?
TALA TI BAKUTÊLELE: “Tinsamu tia Bibila tia ndiyilukulu tia bungungu kwa tiena.”
Ngano bwe ta banza? Mu bungu dia nti?
MU BUKUFI
Yehova wasala nza na luzingu.
Biyuvu bia mbambukulu
Bibila bwe dilongesaka mu musamu wutariri mbatukulu ya nza?
Ngano Nzambi wabika mawa ma bima bia moyo bia fioti fioti, biatûka mu tima tia moyo tia fioti, biakula, peleko biabiansoni kasala ha timosi?
Mu bungu dia nti muntu we wa nzitukulu?
ZABA BIAKAKA
Tala bifwani bia bivangu bisongelaka ti Mvangi we kô.
“Ngano nza nti yilongesaka?” (Réveillez-vous!, septembre 2006)
Tala bwe tata dilendi bangurila kwe mwana’andi tinsamu tia Bibila tia ndiyilukulu.
Taluzula tala ti évolution yilendi wisana na Bibila.
“Ngano Nzambi évolution kasarila mu sala mpila zakaka za luzingu?” (Mutu-diambu wa mu Internet)
Taluzula tala ti bihisi bia ntama na bisalu bia basiantifike mbo bisongelaka ti luzingu sala basala lo peleko lwawu beni kwa lwayilama.
Ntûkulu ya luzingu—Biyuvu bitanu bi tufweti tiyula (mukanda)
b Mu Bibila, ntelo ya “mawa” tikunku tia bima bia moyo yizonzelaka.