TIMOKO 25
Nzambi ntia kani die nandi mu bungu dia beto?
Bibila ditêle mu bungu dia bantu ti, luzingu lwa ‘nkufi lwena mpe lwa fuluka lwena mu mpasi.’ (Yobe 14:1) Ngano Nzambi luzingu ni lo kakekoloko mu bungu dia beto? Tala ti kâni, Nzambi ntia kani die nandi mu beto? Ngano mbo dilungana? Tataluzula mvutu za mbote za Bibila.
1. Mpila ya luzingu Yehova yi kazoloko mu bungu dia beto?
Yehova zololo ti tabâ na luzingu luyôkele bubote. Nzambi bu kasala bantu ba ntete, Adame na Eva, wabatûla ku Paradi, ku nsaba ya Edene. Buna “Nzambi wabasakumuna, mpe Nzambi wabatêla ti: ‘Funaneno mpe bêno babingi, fuluseno mutoto mpe yâleno wo.’” (Mbatukulu 1:28) Yehova wazolo ti babuta bala, basa ti mutoto wawansoni wabâ paradi mpe, bakipa bibulu. Kani diandi dieri ti bantu babansoni babâ na tikolela tia lunga mpe bazinga ntangu zazansoni.
Ni bu sa ti ka twena na luzingu lwa mpila yo ko lumbu ti,a kani dia Nzambi ka diasoba ko. (Izaya 46:10, 11) Nzambi zololo ti bantu bamutumamanaka bazinga ntangu zazansoni mu mpila ya mbote.—Tanga Nzabukusu 21:3, 4.
2. Bwe tulendi bêla na luzingu lwa nsayi bwawu bu?
Yehova watusala na “nsatu ya timpeve,” wuzololo tâ, nsatu ya mu zaba na ya mu sarila. (Tanga Matie 5:3-6.) Yehova zololo ti tabâ na tindiku tia ngolo na Yandi, ‘talanda nzila zandi zazansoni, tamuzolo,’ mpe tamusarila ‘mu mutima’eto wawansoni.’ (Lubambu 10:12; Mikunga 25:14) Bu tusila bo, tulendi bâ na nkatika nsayi ni bu sa ti mu mpasi twena. Bu tusarilaka Yehova, luzingu lweto mbo lukwizi bâka na nkatika nsasa mu bungu ti mbêlo yi kazoloko tulandaka.
YIKA NDILU
Longoka misamu mitariri luzolo lwa lunene lwa songela Yehova bu kakubika mutoto mu bungu dia beto, mpe zaba nti Bibila dilongesaka mu bungu dia nsasa ya luzingu.
3. Yehova kani dia toma die nandi mu bungu dia bantu
Taleno VIDEO, mpe zonzeleno tiyuvu tita landa.
Mu bungu dia nti Nzambi kasala mutoto wa toma?
Tangeno Ekleziaste 3:11, mpe zonzeleno tiyuvu eti:
Ngano nti wuta ku longesa mu Yehova?
4. Kani dia Yehova ka diasoba ko
Tangeno Mikunga 37:11, 29 na Izaya 55:11, mpe zonzeleno tiyuvu eti:
Bwe tuzabiri ti kani dia Yehova mu bungu dia beto ka diasoba ko?
Nzo ya beba balendi vutu ya tomesa. Mpila mosi mpe, mutoto, wu babesa kwe bantu, Nzambi lendi vutu watomesa mu bungu dia bô bamuzoloko
5. Bu tusarilaka Yehova, luzingu lweto mbo lukwizi bâka na nkatika nsasa
Zaba nsasa ya luzingu kulendi tu natina nsayi. Taleno VIDEO, mpe zonzeleno tiyuvu tita landa.
Ntia ndandu Terumi kabaka bu kayizi longoka nsasa ya luzingu?
Tangeno Ekleziaste 12:13, mpe zonzeleno tiyuvu eti:
Mu bungu ti Yehova miamingi kayirika mu bungu dia beto, nti tufweti sa mu mu vuturilaka matondo?
TALA TI BAKUYURIRI: “Ngano nsasa ya luzingu ni ye?”
Ntia mvutu hana?
MU BUKUFI
Yehova zololo ti tabâ mu nsayi ntangu zazansoni ha mutoto. Bu tumusarilaka mu mutima’eto wawansoni, luzingu lweto mbo lukwizi bâka na nkatika nsasa—ni bubâ bwawu bu.
Biyuvu bia mbambukulu
Ngano kani dia ntete dia Yehova mu bungu dia Adame na Eva, ni die?
Bwe tuzabiri ti kani dia Yehova mu bungu dia beto ka diasoba ko?
Bwe lendi zabila nkatika nsasa ya luzingu?
ZABA BIAKAKA
Longoka mu bungu dia nti tulendi bêla na lukwikulu ti nsaba ya Edene ya matieleka yeri.
“Nsaba ya Edene—Ya matieleka peleko kâni?” (Nzo ya Zangama ya Munkengi, 1er janvier 2011)
Longoka mu bungu dia nti tulendi bêla na lukwikulu ti mutoto mbo wuzinga ntangu zazansoni.
“Ngano mutoto mbo bamwangasa wo?” (Mutu-diambu wa mu Internet)
Taluzula bwe Bibila ditâka mu musamu wutariri nsasa ya luzingu lwaku.
“Ngano nsasa ya luzingu ni ye?” (Mutu-diambu wa mu Internet)
Tala bwe bakala dimosi dieri banzaka ti keri’â kondo tima ko, diayizi dzukula tima tieri mu kondoko mu luzingu lwandi.
a Mu timoko tita kwiza, mbo tumona mu bungu dia nti tulembolo na luzingu lwa mpila yo bwawu bu.