Bwe tulendi kunda Nzambi mu mpila yi kazololo?

Ntiana bu tamweni wo mu timoko tiayôkele, Nzambi ka tambulaka mabundu mamansoni ko. Kâ tulendi kunda [sambila] Mvangi’eto mu mpila yimutâka nsayi. Ngano ntia nsambululu [dibundu] yitâka Nzambi nsayi? (Zaki 1:27, NWT, note) Tala misamu mi longesaka Bibila.

1. Ngano nsambululu’eto mwe yifweti sikamana?

Nsambululu’eto yifweti sikamana mu Bibila. Yezu watâ kwe Nzambi ti: “Zu diaku matieleka diena.” (Za 17:17, NWT) Mabundu makaka ka mazebi’â matieleka ma Bibila ko. Matieleka ma Bibila bayingasaka mu ndongosolo na bikulu bia bantu. Kâ Yehova ka yangalalaka mu bô “bakalaka ntumunu za Nzambi” ko. (Tanga Marke 7:9.) Nzambi tutâka nsayi bu tusikamasaka nsambululu’eto mu Bibila na bu tulandaka malongi mandi.

2. Bwe tufweti kundilaka Yehova?

Tufweti kundaka kwa Yehova mu bungu ti ni Yandi watusala. (Nzabukusu 4:11) Wuzololo tâ ti tufweti mu zolo, mpe tufweti sambilaka kwa Yandi; ka tufweti’â tasarila bifwani, biteki na bifwiti ko.​—Tanga Izaya 42:8.

Nsambululu’eto yifweti bâ “ya santu mpe [Yehova] fweti ya tambula.” (Bisi-Rome 12:1) Wuzololo tâ ti nsatu ye neto ya sarila ntumunu za ndiatulu ya mbote. Mu tifwani, bô bazoloko Yehova ntumunu zandi mu bungu dia makwela bazoloko mpe balandaka. Nsalulu za mbi mpe badiokaka ntiana nwa fumu, bima bia ngolo na malavu mamingi.a

3. Mu bungu dia nti tufweti kundaka Yehova tintwari na bantu bakaka?

Ku tukutakanu tweto bweso bubâka neto bwa “kembela Yehova . . . mu timvuka.” (Mikunga 111:1, 2) Mpila yimosi yi tusila bo, ni mu tangaka mikunga mu kembelaka Nzambi. (Tanga Mikunga 104:33.) Yehova tulombele twendaka ku tukutakanu mu bungu ti beto kazololo, mpe zebi ti mbo tubâ mu nsayi ntangu zazansoni. Ku tukutakanu bantu bakaka tutindisaka, bawu mpe tindisa batutindisaka.

YIKA NDILU

4. Ka tufweti’â tasarila bifwani mu nsambululu’eto ko

VIDEO: Ngano Nzambi nsalulu ya bifwani katambulaka mu nsambululu? (3:26)

• Ngano nti biaturila bantu bakaka ba kanda dia Nzambi ba mu ntangu ya ntama, bayêla mu mu sambila na biteki?

Bantu bakaka basarilaka bifwani bu basambilaka Nzambi mu bungu ti bazololo bapusana kwe Yandi mu mpila yo. Ngano bubote bwena mu sarila bô? Tangeno Ndukulu 20:4-6 na Mikunga 106:35, 36, mpe zonzeleno biyuvu ebi:

• Ntia bima na ntia bifwani monaka bi sarilaka bantu mu nsambululu’awu?

• Ngano Yehova bwe kabongelaka nsalulu ya bifwani?

• Bwe bongelaka nsalulu ya bifwani?

5. Tamana kundaka kwa Yehova mbo tukûluka mu mabanza ma bungungu

VIDEO: Wakûluka mu nzila ya matieleka (5:16)

Tangeno Mikunga 91:14, mpe zonzeleno tiyuvu eti:

• Nti Yehova kakanisini mu sa mu bungu dia beto, bu tusongelaka ti Yandi tuzololo, mu ntangu yi tukundaka kwa Yandi?

6. Ku tukutakanu twa timvuka tukundaka Nzambi

Yehova tukembelaka mpe bantu bakaka tutindisaka bu tutangaka mikunga na bu tuhanaka mvutu ku tukutakanu twa timvuka. Tangeno Mikunga 22:22, mpe zonzeleno biyuvu ebi:

• Ngano mvutu zi wawîri ku lukutakanu za wazololo?

• Ngano lendi kubamaka mu hanaka mvutu?

7. Yehova mbo kayangalalaka bu tuzonzelaka misamu mi tulongokaka

Mpila zazingi ze kô zi tulendi zonzela matieleka ma Bibila kwe bantu bakaka. Tangeno Mikunga 9:1 na 34:1, mpe zonzeleno tiyuvu eti:

• Ngano nti walongokele mu Bibila bi zololo wazonzela kwe bantu bakaka?

MU BUKUFI

Mvangi’eto tuyangirikaka bu tukundaka kwa Yandi, bu tumukembelaka ku tukutakanu twa timvuka na bu tuzonzelaka misamu mi tulongokaka kwe bantu bakaka.

Biyuvu bia mbambukulu

• Bwe tulendi longokela mu kunda Nzambi mu mpila ya mbote?

• Mu bungu dia nti tufweti kundaka kwa Yehova?

• Mu bungu dia nti tufweti kundaka Nzambi tintwari na bantu bakaka bamuzololo?

ZABA BIAKAKA

Tanga mu bungu dia nti mukento wumosi we mu nsayi bu kakûluka mu nsambululu ya biteki.

“Ka nasâla ngamba ya biteki ko” (Nzo ya Zangama ya Munkengi, 1^er juillet 2011)

Longoka nti bilendi ku bakisa mu hanaka mvutu ku tukutakanu twa timvuka.

“Kembela Yehova mu timvuka” (Nzo ya Zangama ya Munkengi, janvier 2019)

Tala bwe mwana bakala wumosi wabakila ndandu mu tukutakanu twa timvuka ni bu sa ti musamu wa mpasi weri kwe yandi mu kwendaka ku tukutakanu.

Yehova wakunkipa (3:07)

Bantu babingi babanzaka ti kruwa tidimbu tia bukristo tiena, ngano tufweti ya sarilaka mu nsambululu’eto?

“Mu bungu dia nti Mbangi za Yehova zilembo sarilaka kruwa mu nsambululu’awu?” (Mutu-diambu wa mu Internet)