TIMOKO 55
Bakisaka timvuka tiaku
Mu nza, bantu ba nkatika babingi basarilaka Yehova mu nsayi mu mafunda ma bimvuka. Tonda batondaka mu bungu dia malongi na lutwalusu lu babakaka, mpe manzangu basarilaka mu bakisa timvuka mu mpila zazingi. Ngano bwe ta banza mu bungu dia timvuka tiaku?
1. Bwe lendi sarila ntangu’aku na ngolo zaku mu bakisa timvuka?
Beto bansoni tulendi hana lubakusu mu timvuka. Mu tifwani, ngano bantu mu timvuka bê ba nuna peleko bê na tifuma? Ngano lendi ba bakisa mu kwendaka ku tukutakanu? Peleko lendi ba hana lubakusu mu misamu miakaka, ntiana zandu na bisalu bia ku nzo? (Tanga Zaki 1:27.) Tulendi hanaka lubakusu lweto mu saka bunkete na mu tomesa Nzo’eto ya Nsambululu. Ka batutumaka mu ngolo ko mu sila bo. Luzolo mu Nzambi na mu mpangi zeto lututumaka mu “tihana mu luzolo lwa mutima.”—Mikunga 110:3.
Mbangi za Yehova za batusu zilendi bakisa timvuka mu mpila zakaka. Mpangi za bakala za yela mu timpeve zilendi bâ bibakisi mu tisalu, mpe ha manima bakuluntu. Mpangi zazansoni zilendi bâ mipasuri-nzila mu hana lubakusu mu tisalu tia samuna. Mbangi za Yehova zakaka zilendi hana lubakusu mu ntungulu ya mbuka za nsambululu peleko zilendi kwenda mu mbuka ye na timvuka tie na nsatu lubakusu.
2. Bwe lendi sarila bimvwama biaku mu bakisa timvuka?
Tulendi “kembela Yehova na bima [bieto] bia ntalu.” (Bingana 3:9) Bweso bwena kwe beto bu tuhanaka makabu ma mbongo na bima bieto biakaka mu bakisa timvuka na tisalu tia samuna tia mu nza yayansoni. (Tanga 2 Bisi-Korente 9:7.) Makabu meto malendi bakisa mpe mu ntangu ya katastrofe. Babingi basolaka mu vulu “tûla tima ha ndêko” mu hanaka makabu. (Tanga 1 Bisi-Korente 16:2.) Tulendi hana makabu meto mu boîtes za makabu ze mu mbuka zeto za nsambululu peleko mu Internet, mu donate.jw.org. Yehova bweso katuhanaka bwa mu songela luzolo lweto mu mpila yi tusarilaka bima bieto bia tinsuni.
YIKA NDILU
Taluzulula mpila zi lendi bakisila timvuka.
3. Tulendi sarila bima bieto bia tinsuni
Yehova na Yezu bantu babâka na nsayi ya hana bazoloko. Mu tifwani, Yezu wasîka mukento wumosi wa mufwiri mu ngolo zi kasarila mu hana kabu kwe Yehova. Tangeno Like 21:1-4, mpe zonzeleno biyuvu ebi:
Ngano tufweti hanaka mbongo zazingi mu tâ Yehova nsayi?
Ngano Yehova na Yezu bwe babongelaka makabu meto ma mutima?
Mu zaba bwe basarilaka makabu meto, taleno VIDEO. Ha manima, zonzeleno tiyuvu tita landa.
Bwe makabu ma bahanaka manatinaka ndandu mu bimvuka bia nza yayansoni?
4. Tulendi hana lubakusu lweto
Mu ntangu ya ntama, bisari bia Yehova mu luhemo bieri salaka mu tomesa mbuka za nsambululu. Kâ, makabu ma mbongo mpe beri hanaka. Tangeno 2 Ntangu 34:9-11, mpe zonzeleno tiyuvu eti:
Bwe muna Israelite yeri haninaka lubakusu mu kipa nzo ya Yehova?
Mu mona bwe Mbangi za Yehova zilandilaka tifwani tia mu Bibila, taleno VIDEO. Ha manima, zonzeleno biyuvu bita landa.
Mu bungu dia nti we mfunu mu saka bunkete ku Nzo ya Nsambululu mu mpila ya mbote?
Ngano bwe lendi hanina lubakusu?
5. Mpangi za zibakala zilendi dinga mu bâ na madema mu timvuka
Bibila kwe mpangi za bakala dilombaka mu yika moko mu bakisa timvuka. Mu mona tufwani timosi, taleno VIDEO. Ha manima, zonzeleno tiyuvu tita landa.
Mu video, bwe Ryan katomo yikila moko mu timvuka?
Bibila mbo dizonzelaka misiku mifweti lungisa mpagi za bakala mu bâ bibakisi mu tisalu na mu bâ bakuluntu. Tangeno 1 Timote 3:1-13, mpe zonzeleno biyuvu ebi:
Nti balombaka kwe mpangi za zibakala zidingaka mu bâ bibakisi mu tisalu na mu bâ bakuluntu?
Nti balombaka kwe makanda mawu?—Tala verse 4 na 11.
Mpangi ya yibakala bu yidingaka mu lungisa misiku mio, bwe muna muntu mu timvuka kabakilaka wo ndandu?
TALA TI BAKUYURIRI: “Bwe Mbangi za Yehova zibakilaka mbongo mu bungu dia tisalu tiawu?”
Ngano ntia mvutu lendi hana?
MU BUKUFI
Yehova mbo katomo zoloko ngolo zi tusarilaka mu bakisa timvuka mu ntangu’eto, mu ngolo zeto na mu bima bieto bia tinsuni.
Biyuvu bia mbambukulu
Bwe tulendi sarila ntangu na ngolo zeto mu hana lubakusu mu timvuka?
Bwe tulendi sarila bima bieto bia tinsuni mu bakisa timvuka?
Bwe dingilaka mu bakisa timvuka?
ZABA BIAKAKA
Zaba mu bungu dia nti Nzambi kasala lembo vutu lombe dime kwe bisari biandi.
“Bibila bwe ditâka mu bungu dia dime?” (Mutu-diambu wa mu Internet)
Bibila madema dihanaka kwe babakala ba batusu. Kâ, nti bitûla tala ti mukento wa batusu wufweti lungisa madema mô?
“Bakula timfumu tia bakuluntu mu timvuka” (Nzo ya Zangama ya Munkengi, février 2021)
Zaba Mbangi za Yehova ze na butindi, zatambula mu hombesa bima biabingi mu kwe hanaka mikanda kwe bisari biakaka bia Nzambi.
Dzukula bwe tubakilaka mbongo za tisalu tieto mu mpila ya swaswana na za mabundu makaka.
“Mbongo za tisalu tia Mbangi za Yehova kwe zitûkaka?” (Mutu-diambu wa mu Internet)