TIMOKO 20
Bwe Yehova katwarisilaka timvuka tia Bakristo
Yehova Nzambi ya bunkete yena. (1 Bisi-Korente 14:33, 40) Buna tufweti kekolo ti kanda diandi diabâ dia kutama. Bwe Yehova katwarisilaka timvuka tia Bakristo? Bwe tulendi sa ngatu timvuka tialenda mu musamu wo?
1. Mfumu ya timvuka tia Bakristo ni nani?
“Kristo we mfumu ya timvuka.” (Bisi-Efeze 5:23, NWT) Tûka ku zulu, bisalu bia kanda dia Yehova dia katwarisaka. Yezu wasola “ngamba ya kwikama na ya ndwenga”—tikunku tia fioti tia bakuluntu ba yela, peleko Timvuka titwarisaka. (Tanga Matie 24:45-47.) Ntiana bantumwa na bakuluntu ba ku Yerusaleme ba mu mbandu ya ntete, Timvuka titwarisaka lutwalusu tihanaka kwe timvuka tia Bakristo. (Bisalu 15:2) Kâ babakala bango, ka bêna mfumu za organizasio’eto ko. Bawu Bibila batangaka mu zaba nti Yehova kazololo bawu basa, mpe mu mutima wumosi balandaka lutwalusu lwa Yezu.
2. Ngano bakuluntu ni banani mpe nti basaka?
Bakuluntu, babakala bêna bê Bakristo ba kwikama tûka mivu miamingi. Kanda dia Yehova babakisaka, batindisaka mpe balongesaka mu nzila ya Bibila. Ka babafutaka ko. Kâ, mbo basalaka “mu mutima wumosi ha meso ma Nzambi; ka mu luzolo lwa mbongo’â ko, kâ mu luhemo.” (1 Piere 5:1, 2, NWT) Bibakisi mu tisalu babakala bêna babakisaka bakuluntu. Ha manima, bibakisi mu tisalu bilendi lungisa misiku mu kwizi bâ bakuluntu.
Timvuka titwarisaka bakuluntu bakaka tisolaka mu bâ minkengi mia tizunga. Bawu, bimvuka bakwe tari mu hana lutindusu na lutwalusu. Minkengi mia tizunga misiku mia Bibila misarilaka mu zaba ntia mpangi ya bakala yilendi bâ tibakisi mu tisalu peleko mukuluntu.—1 Timote 3:1-10, 12; Tite 1:5-9.
3. Ngano muna Mbangi nti yifweti sa?
Bantu babansoni mu timvuka ‘nkumbu ya Yehova bakembelaka’ bu basaka binzonzi ku tukutakanu, bimoko, bu bavutulaka mvutu, bu batangaka mikunga na bu basamunaka buna bufwanane.—Tanga Mikunga 148:12, 13.
YIKA NDILU
Longoka, Yezu ntia mpila ntwarisi yena, bwe bakuluntu balandilaka tifwani tiandi, mpe bwe tulendi sarila tintwari na Yezu na bakuluntu.
4. Yezu ntwarisi ya mbote yena
Yezu watusa ndombolo ya toma. Tangeno Matie 11:28-30, mpe zonzeleno tiyuvu eti:
Bwe Yezu kazololo beto tabongelaka lutumu lwandi?
Bwe bakuluntu balandilaka tifwani tia Yezu? Taleno VIDEO.
Bibila mbo ditomo longesaka bwe bakuluntu bafweti sarila tisalu tiawu.
Tangeno Izaya 32:2 na 1 Piere 5:1-3, mpe zonzeleno biyuvu ebi:
Ngano nti wukusaka ku mutima mu zaba ti, ntiana Yezu, bakuluntu ngolo basarilaka mu tindisa bantu bakaka?
Mu ntia mpila zakaka bakuluntu balandilaka tifwani tia Yezu?
5. Bakuluntu mu tifwani balongeselaka
Bwe Yezu kazololo bakuluntu babongelaka tisalu tiawu? Taleno VIDEO.
Yezu wahana ntumunu mu bungu dia bô batwarisaka timvuka. Tangeno Matie 23:8-12, mpe zonzeleno tiyuvu eti:
Ngano nti bita kususumuna mu luswaswanu lwe ha kati dia ntumunu za Bibila zitariri bakuluntu, na mio mi wamweni kwe mfumu za mabundu?
Bakuluntu, bawu beni na makanda mawu babakisaka mu baê na timpeve tia ngolo
Bakuluntu bantu babansoni bakipaka mu timvuka
Bakuluntu samuna bavulu samunaka
Bakuluntu milongi miena. Mbo babakisaka mpe mu saka bunkete, na mu bisalu biakaka
6. Tulendi sala tintwari na bakuluntu
Bibila mbo ditutêlaka mu bungu dia nti we mfunu mu salaka tintwari na bakuluntu. Tangeno Bahebre 13:17, mpe zonzeleno tiyuvu eti:
Mu bungu dia nti Bibila ditâka ti tufweti tumama mu mutima wumosi kwe bô batutwarisaka?
Tangeno Like 16:10, mpe zonzeleno tiyuvu eti:
Mu bungu dia nti we mfunu mu salaka tintwari na bakuluntu ni bu sa ti tuta banza ti musamu wo ka wena nkatika mfunu ko?
TALA TI BAKUTÊLELE: “Ka wena na nsatu ko ya bâ mu dibundu.”
Mu bungu dia nti ta banza ti bubote bwena mu sarila Nzambi mu timvuka tia Bakristo?
MU BUKUFI
Yezu ni mfumu ya timvuka tia Bakristo. Mu nsayi tusalaka tintwari na bakuluntu bê mu lutumu lwa Kristo mu bungu ti tindisa batutindisaka mpe longesa batulongesaka mu tifwani.
Biyuvu bia mbambukulu
Mfumu ya timvuka tia Bakristo ni nani?
Bwe bakuluntu babakisilaka timvuka tia Bakristo?
Ngano muna tisari tia Yehova nti tifweti sa?
ZABA BIAKAKA
Tala misamu misongelaka ti Timvuka titwarisaka na bakuluntu bakaka lwaka lubâka nawu mu bungu dia Bakristo lumbu ti.
Longoka tisalu tisalaka minkengi mia tizunga.
Tanga tisalu tiyirikaka bakento mu timvuka tia Bakristo.
“Ngano Mbangi za Yehova bakento bê nawu balongaka?” (Nzo ya Zangama ya Munkengi, 1er septembre 2012)
Zaba bwe bakuluntu basarilaka ngolo mu tindisa mpangi zawu.
“Bakuluntu—‘Ndiku za tisalu mu bungu dia nsayi’eto’” (Nzo ya Zangama ya Munkengi, 15 janvier 2013)