Watchtower BIBLIOTEKE YA MU INTERNET
Watchtower
BIBLIOTEKE YA MU INTERNET
Kilari
  • BIBILA
  • MIKANDA
  • TUKUTAKANU
  • lff timoko 37
  • Bibila bwe ditâka mu tisalu na mbongo

Ka kwena video ko yi bawukiri mu nsololo yi siri.

Video yibwabwane na nkwamusu.

  • Bibila bwe ditâka mu tisalu na mbongo
  • Bâ mu nsayi ntangu zazansoni!—Ndongokolo ya Bibila
  • Mitu-diambu mia fioti
  • Mukanda wu delakane
  • YIKA NDILU
  • MU BUKUFI
  • ZABA BIAKAKA
  • Ngano mbongo mbi yayansoni zitulumunaka?
    Biyuvu bitariri Bibila
  • Bwe Bibila dilendi ku bakisila?
    Bâ mu nsayi ntangu zazansoni!—Ndongokolo ya Bibila
  • Ngano Bibila bwe dilendi ku bakisila?
    Bâ mu nsayi ntangu zazansoni!—Mbatukulu ya ndongokolo ya Bibila
  • Bakisaka timvuka tiaku
    Bâ mu nsayi ntangu zazansoni!—Ndongokolo ya Bibila
Biakaka
Bâ mu nsayi ntangu zazansoni!—Ndongokolo ya Bibila
lff timoko 37
Timoko 37. Tisari tia mabaya tita kwe kome lusonso.

TIMOKO 37

Bibila bwe ditâka mu tisalu na mbongo

Mukanda wa papier
Mukanda wa papier
Mukanda wa papier

Ngano tisalu na mbongo bia belokelaka lwaka? Wulendi bâ musamu wa mpasi mu lungisa nsatu zeto na mu kunda Yehova mu mpila yi kazololo. Bibila malongi ma mbote dituhanaka, malendi tu bakisa.

1. Bibila bwe ditâka mu bungu dia tisalu?

Nzambi zololo ti tamonaka nsayi ya tisalu tieto. Bibila ditêle ti “ka kwena tima ko tiyôkele bubote kwe muntu na mu [. . .] mona nsayi mu bungu dia tisalu tiandi tia ngolo.” (Ekleziaste 2:24) Yehova ngolo kasalaka. Bu tulandaka tifwani tiandi tia salaka na manzangu, nsayi tumutâka mpe nsayi tumonaka.

Tisalu mfunu tiena. Kâ, ka tufweti’â tabika ko tiabâ tima tiyôkele mfunu yôka nsambululu’eto mu bungu dia Yehova. (Za 6:27) Yandi watukanisina ti bu tumutûla ha tibuka tia ntete mbo kakipa nsatu zeto.

2. Ntia mabanza me ma delakana mu bungu dia mbongo?

Bibila bu ditâka ti “mbongo kengerela zikengerelaka,” mbo dilwengesaka mpe ti mbongo za mpamba ka zitunatinaka nsayi ko. (Ekleziaste 7:12) Buna, batulombele mu lembo zolo mbongo, kâ mu “yangalala mu bima bie neto.” (Tanga Bahebre 13:5.) Bu tuyangalala mu bima bie neto, mbo tukuluka mu mfwemoso za kwe dingi bima biabingi. Mfuka za mpamba tudiokaka. (Bingana 22:7) Mutambu wa nsaka za mbongo mpe tudiokaka na wa dingaka bimvwama mu ntinu.

3. Bwe tulendi bêla na lukabu mu mbongo zeto?

Yehova Nzambi yena yikabaka, mpe tifwani tiandi tulandaka bu tubâka na “lukabu [tifu tia kaba], ba kubama mu kaba.” (1 Timote 6:18, NWT) Tulendi sarila mbongo zeto na lukabu bu tuhanaka lubakusu mu timvuka na kwe bô bê na lo nsatu, nsungula bô ba twe tintwari mu nsambululu. Yehova ka kipaka lutangu lwa makabu meto ko, kâ mpila yi tuhaninaka kakipaka. Bu tukabaka mu mutima wawansoni, mu nsayi tubâka mpe Yehova tutâka nsayi.​—Tanga Bisalu 20:35.

YIKA NDILU

Tala ndandu za bâ na mabanza ma delakana mu bungu dia tisalu na za yangalalaka mu bima bie neto.

4. Kembela Yehova mu mpila yi sarilaka

Tindiku tieto na Yehova tifweti nata nsobolo mu mpila yi tubongelaka tisalu. Taleno VIDEO, mpe zonzeleno biyuvu bita landa.

VIDEO: Saleno mu tilundi tieno tiatiansoni mu bungu dia Yehova (4:39)

  • Mu video, nti bita ku susumuna mu mbêlo na mu ndiatulu ya Jason ku tisalu?

  • Nti kasa mu bâ na mabanza ma delakana mu tisalu?

Tangeno Bisi-Kolose 3:23, 24, mpe zonzeleno tiyuvu eti:

  • Mu bungu dia nti mpila yi tubongelaka tisalu ye mfunu?

Tifwani: Bakala dita tûla tisalu tian ha tibuka yia ntete. 1. Mu mwini sal kata sala. 2. Mu nkokela ku tisalu kwa katiri. 3. Tatamane mu sala, bampwana’andi bu bata kota ku nzo. 4. Yandi kaka ta dia ku zo.

Tisalu mfunu tiena. Kâ ka tufweti’â tabika ko tiabâ tima tiyôkele mfunu, yôka nsambululu’eto mu bungu dia Yehova

Tifwani: Bakala dio bakiri ntangu ya yirika misamu miyôkele mfunu. 1. Mu mwini kata sala. 2. Katturi ku tisalu ku nsuka ya tisalu. 3. Nanguni koko ku lukutakanu. 4. Na bala bandi ba bole kata dia.

5. Ndandu za yangalalaka mu bima bie neto

Bantu babingi badingaka mu bâ na mbongo za nkatika zazingi. Kâ Bibila malongi ma swaswana dituhanaka. Tangeno 1 Timote 6:6-8, mpe zonzeleno tiyuvu eti:

  • Ngano Bibila nti dita tu lomba mu sa?

Ni bu sa ti mbongo za fioti kwa ze neto, tulendi bâ mu nsayi. Taleno VIDEO, mpe zonzeleno biyuvu bita landa.

VIDEO: Bâ wa “yangalala mu bima bie naku” (3:20)

  • Ntono mbongo za fioti ze nawu, nti bihanaka nsayi kwe makanda mo?

Kâ nti bitutûrila tala ti mbongo za fwanana ze neto mpe tuzololo tabaka za yôka? Yezu wahana tifwani mu bungu dia mutambu wo. Tangeno Like 12:15-21, mpe zonzeleno tiyuvu eti:

  • Nti longokele mu tifwani tia Yezu?​—Tala verse 15.

Tanga mpe fwanakasa Bingana 10:22 na 1 Timote 6:10. Ha, manima zonzeleno biyuvu ebi:

  • Nti biyôkele mfunu? Bâ na tindiku na Yehova peleko bâ na mbongo zazingi? Mu bungu dia nti?

  • Ntia misamu milendi tu tûrila bu tudinga mu bâ na mbongo zazingi?

6. Yehova mbo kakipa nsatu zeto

Misamu mia tisalu na mia mbongo milendi kotesa timinu tieto mu Yehova mu ntontolo. Taleno VIDEO mu mona bwe tulendi telamana misamu mikotesaka timinu tieto mu ntontolo, mpe zonzeleno biyuvu bita landa.

VIDEO: Yehova mbo kakipa nsatu zeto (6:21)

  • Mu video, ntia nkwamusu mpangi yo kabwabana na zo?

  • Ngano nti kasa mu nunga nkwamusu zango?

Tangeno Matie 6:25-34, mpe zonzeleno tiyuvu eti:

  • Yehova nti kakanisini mu sa kwe bô bamutûlaka ha tibuka tia ntete?

TALA TI BAKUTÊLE: “Mfweti salaka ngolo mu kipa kanda diani. Ka ndendi’â ndiendaka ku tukutakanu tumingu twatwansoni ko.”

  • Ntia verse yikuhanaka lukwikulu ti sarila Yehova ni nzengolo yiyôkele bubote?

MU BUKUFI

Tisalu na mbongo salu biena, kâ ka bifweti’â biatukabakasa ko mu sarila Yehova.

Biyuvu bia mbambukulu

  • Nti bilendi tu bakisa mu bâ na mabanza ma delakana mu tisalu?

  • Ntia ndandu tubaka bu tuyangalala mu bima bie neto?

  • Bwe tulendi songela lukwikulu lweto mu kani dia Yehova dia kipaka kanda diandi?

Kani

ZABA BIAKAKA

Taluzula tala ti Bibila mbo ditâka ti mbongo za mbi zena.

“Ngano mbongo mbi yayansoni zitulumunaka?” (Mutu-diambu wa mu Internet)

Zaba bwe tulendi sarila mbongo zeto mu tâ Nzambi nsayi.

“Ngano Bibila nti ditâka mu lukabu?” (Mutu-diambu wa mu Internet)

Ngano nsaka za mbongo za mpamba kwa zena?

“Mabanza ma Bibila mu nsaka za mbongo” (Réveillez-vous!, mars 2015)

Tala nti bianata bakala dimosi mu bika nsaka za mbongo na bwivi.

“Bibila luzingu disobesaka” (Nzo ya Zangama ya Munkengi, 1er novembre 2011)

    Mabuku ma Lari (1996-2025)
    Duka
    Kota
    • Kilari
    • Tambika
    • Bima bi zololo
    • Copyright © 2025 Watch Tower Bible and Tract Society of Pennsylvania
    • Misiku mia sarila
    • Misiku mia mansweki
    • Paramètres de confidentialité
    • JW.ORG
    • Kota
    Tambika