TIMOKO 44
Malaki mamansoni Nzambi matâka nsayi?
Yehova zololo ti tamona nsayi ya luzingu mpe takembelaka malaki ntangu zakaka. Kâ, ngano malaki mamansoni nsayi mamutâka? Bwe tulendi songela luzolo lweto mu Yehova mu musamu wo?
1. Mu bungu dia nti malaki mamîngi malembo tâka Nzambi nsayi?
Lendi susumuka bu longoka ti malaki mamingi ka matûka mu Bibila ko peleko kwe bapaye matûka. Malaki mango malendi bâ tintwari na mabundu ma bungungu; malendi bâ mpe tintwari na bunganga peleko malendi sikamana mu mabanza matâka ti nitu kwa yifwaka, tilundi ka tifwaka ko. Malaki makaka mu nkwikulu zilembolo za delakana masikamanaka peleko mu bweso. (Izaya 65:11) Yehova lwengese bisari biandi: “Hambaneno na bawu [. . .] mpe kaluvutuandi simba tima tia mvindu.”—2 Bisi-Korente 6:17.a
2. Bwe Yehova kabanzaka mu malaki makembesaka bantu?
Yehova tu kebese mu lembo bwa mu mutambu wa tûla “lukwikulu lweto mu bantu ba mpamba.” (Tanga Yeremi 17:5.) Malaki makaka bamfumu peleko binwani makembesaka. Malaki makaka tidimbu tia hata peleko timpwanza mazangulaka. (1 Za 5:21) Makaka mpe, politike mazangulaka na misamu mia bukolo. Bwe Yehova kamonaka bu tukembelaka muntu peleko organizasio, nsungula organizasio yizangula mabanza malembo delakanaka na kani diandi?
3. Ntia ndiatulu yilendi sa ti malaki malembo bâ ma mbote?
Bibila mbo diyiminaka “mu nwa malavu mamingi, mikembo mia vwandi, [na] busulare.” (1 Piere 4:3, NWT) Mikembo miakaka ndiatulu ya vwandi na ya bunsuza misingasaka. Mu tatamana mu bâ ndiku za Yehova, tufweti dioka nsalulu yo ya mvindu.
YIKA NDILU
Dzukula bwe lendi têla Yehova nsayi bu bongaka nzengolo za ndwenga mu musamu wutariri malaki.
4. Losa malaki malembo kembesaka Yehova
Tangeno Bisi-Efeze 5:10, mpe zonzeleno biyuvu ebi:
Ntia lukwikulu lufweti bâ neto bu tubongaka nzengolo ya kembela malaki?
Ngano ntia malaki me nsangu mu tizunga tiaku?
Ngano benzi ti malaki mo Yehova matâka nsayi?
Mu tifwani, ngano weka tiyula bwe Yehova kabanzaka mu bungu dia malaki ma tilumbu tia mbutukulu? Kani kabwe, Bibila ka dizonzelaka tisari tia Yehova ko tiakembela tilumbu tia mbutukulu, kâ mbo dizonzelaka bantu bole beri lembo sarilaka Yehova bayizi kembela malaki ma tilumbu tia mbutukulu. Tangeno Mbatukulu 40:20-22 na Matie 14:6-10. Ha manima, zonzeleno biyuvu ebi:
Ntia tintwari tie ha kati dia malaki mo ma mole ma tilumbu tia mbutukulu?
Tintwari na binsamu bio bia Bibila, mu nge bwe Yehova kabanzaka mu bungu dia malaki ma tilumbu tia mbutukulu?
Kâ, kampe mbo tiyulaka: ‘Tala ti nkembele malaki ma mbutukulu peleko malaki makaka malembo tûkaka mu Bibila, ngano Yehova wa kabelokelaka lwaka?’ Tangeno Ndukulu 32:1-8. Ha manima, taleno VIDEO mpe zonzeleno biyuvu bita landa.
Mu bungu dia nti tufweti zabaka misamu mi tambulaka Yehova?
Bwe tulendi wa sila?
Bwe tulendi zabila malaki malembo tâka Nzambi nsayi
Ngano mu ndongosolo zilembo tûkaka mu Bibila masikamane? Mu zaba wo, taluzuleno ntûkulu zandi.
Ngano bantu mazangulaka, organizasio, peleko bidimbu bia mahata? Yehova tutoko kembelaka mpe ni Yandi tusikirilaka mu yirika misamu mia nza.
Ngano bikulu peleko nsalulu zandi mbo zitelamanaka mitieno mia Bibila? Tufweti tatamana mu bâ na ndiatulu ya verela.
5. Bakisa bantu bakaka mu zitisa nkwikulu zaku
Wulendi bâ musamu wa mpasi mu kala, mu ntangu bantu bakaka batusaka tiya mu kembela malaki malembo tâka Yehova nsayi. Bangula nzengolo zaku na luvivululu, na buzitu. Mu mona tifwani timosi tia mpila ya sila bo, taleno VIDEO.
Tangeno Matie 7:12, mpe zonzeleno biyuvu ebi:
Tintwari na verse yo, ngano fweti tâ kwe bantu ba kanda diaku ti ka bafweti’â bakembelaka malaki ko?
Nti lendi sa mu hana lukwikulu kwe kanda diaku ti bawu zoloko ni bu sa ti kukembelaka malaki na bawu ko?
6. Yehova zololo ti tabâ mu nsayi
Yehova zololo ti tayôkesaka ntangu za mbote na kanda dieto, na ndiku zeto. Tangeno Ekleziaste 8:15, mpe zonzeleno tiyuvu eti:
Bwe verse yo yisongele ti Yehova zololo ti tabâ mu nsayi?
Yehova zololo ti kanda diandi diasakanaka mpe diayôkesaka ntangu za mbote. Taleno VIDEO mu mona bwe musamu wo we matieleka ku tukutakanu tweto twa nsi zazingi.
Tangeno Bisi-Ngalate 6:10, mpe zonzeleno biyuvu ebi:
Ngano nsatu ye neto ya kembela malaki me nsangu mu sa “mbote” kwe bantu bakaka?
Ntia makabu matomo ku tâka nsayi—hana mu bungu ti malaki mata tu tuma mu sa bo, peleko hana mu mutima wumosi?
Mbangi za Yehova zazingi zikubikaka tima tia nzitukulu mu bungu dia bala bawu, mpe susumuna babasusumunaka mu makabu. Tala ti bala bê naku, nti lendi sa mu bungu dia bawu?
TALA TI BAKUTÊLELE: “Ntûkulu ya malaki ka yena nkatika mfunu ko. Ntangu kwa ye ya mbote yi bayôkesaka na bantu ba kanda peleko na ndiku.”
Ngano bwe lendi tâ?
MU BUKUFI
Yehova zololo ti tayôkesaka ntangu ya mbote na kanda dieto, na ndiku zeto. Kâ, Yandi zololo mpe talosa malaki malembo mu tâka nsayi.
Biyuvu bia mbambukulu
Ntia biyuvu lendi tiyula mu zaba tala ti malaki ka matâka Yehova nsayi ko?
Bwe lendi bakisila bantu ba kanda diaku na ndiku zaku mu bakula nzengolo’aku mu bungu dia malaki?
Bwe zabiri ti Yehova zololo ti tabâ mu nsayi mpe tasakanaka?
ZABA BIAKAKA
Taluzula malaki ma lembo kembelaka Bakristo.
“Mu bungu dia nti Mbangi za Yehova zilembo kembelaka malaki makaka?” (Mutu-diambu wa mu Internet)
Taluzula misamu miyà misaka ti takwikila ti malaki ma tilumbu tia mbutukulu ka matâka Nzambi nsayi ko.
Tala bwe ntwenia yimosi yayizi songela buzitu mu mitsotso mia bampwana’andi ku lukolo mu bungu dia nkwikulu zandi mu Noele.
Bakristo ba nkatika babingi basola mu lembo kembelaka Noele. Bwe babanzaka mu bungu dia nzengolo’awu?
“Bayizi dzukula tima tiyôkele bubote” (Nzo ya Zangama ya Munkengi, 1er décembre 2012)