Zonzela misamu misimbaka mitima

Yezu nti kasa

VIDEO: Yezu na mukento wumosi ha bulu dia mamba

1. Tala VIDEO, peleko tanga Za 4:6-9. Ha manima taluzula biyuvu bita landa:

1. Ngano Yezu nti katoko tala kwe mukento wo, ntete kabatika timoko?

2. Yezu watâ: “Kungana mamba ma nwa.” Mu bungu dia nti ye mpila ya mbote mu batika timoko?

Ngano nti tuta longoka mu Yezu?

2. Mbo tulenda mu bâ na bimoko bia mbote tala ti tubatikiri mu mutu-diambu wu simbaka bantu mitima.

Landa tifwani tia Yezu

3. Bâ na mabanza ma delakana. Kusandi tiya mu batika timoko mu mutu-diambu nge wu kubikiri. Batikila mu diambu di banzaka bantu lumbu ti. Tiyula:

1. ‘Ngano ntia nsangu zê kô?’

2. ‘Ngano bangwala, ndiku za tisalu peleko ndiku za lukolo nti bavulu zonzelaka?’

4. Tomo talaka misamu. Tiyula:

1. ‘Ngano muntu wo nti wuta sa bwawu bu? Ngano nti kalendi banza?’

2. ‘Ngano binkuti bia muntu wu, mpila’andi ya monekena peleko nzo’andi nti bita kunsongela mu nkwikulu zandi peleko tikulu tiandi?’

3. ‘Ngano ntangu ya mbote yena ya zonza kwe muntu wo?’

5. Wirikila.

1. Kuzonzakandi kwakwingi.

2. Tindisaka muntu mu zonzelaka mabanza mandi. Tala ti wufwanane, yulaka biyuvu.