Bika timoko tiakula

Filipe nti kasa

VIDEO: Filipe ta samunina Musi-Etiopi

1. Tala VIDEO, peleko tanga Bisalu 8:30, 31. Ha manima taluzula biyuvu bita landa:

1. Bwe Filipe kabatikila timoko?

2. Mu bungu dia nti ye mpila ya delakana ya batikila timoko, mpe yi tusamunina matieleka kwe muntu?

Ngano nti tuta longoka mu Filipe?

2. Tala ti tubikiri timoko tiakula, ka wubâ musamu wa mpasi ko kwe muntu mu zonzela mabanza mandi na mu tu wirikila.

Landa tifwani tia Filipe

3. Tomo talaka misamu. Tidiri tia muntu na nitu’andi bilendi zabikisa misamu mitariri muntu wo. Ngano muntu wo nsatu ye nandi ya zonza na nge? Lendi zonzela matieleka ma Bibila bu yula tiyuvu ntiana, “Ngano wa zebi ti [. . .]?” Kusandi tiya kwe muntu tala ti kena na nsatu zonza ko.

4. Bâ na luvivululu. Kudingakandi mu zonzela matieleka ma Bibila mbala yimosi. Kêla ntangu ya delakana mu zonzela matieleka ma Bibila. Ntangu zakaka wulendi zolo tâ kêla timoko tiakaka tivutu bâ na muntu wo.

5. Bâ wa kubama mu soba. Muntu wulendi batika mu zonzela musamu wuta lembo kekolo. Buna bâ wa kubama mu zonzela mabanza me mfunu kwe muntu, ni bu sa ti ka mawu’â ko kubikiriki.