Tatamana mu kubika milongoki

Yezu nti kasa

VIDEO: Yezu ta samunina Nikodeme

1. Tala VIDEO, peleko tanga Za 3:1, 2. Ha manima taluzula biyuvu bita landa:

1. Mu bungu dia nti Nikodeme kasola mu kwe monekena Yezu mu mpimpa?—Tala Za 12:42, 43.

2. Bu katambula mu monekena Nikodeme mu mpimpa, bwe Yezu kasongela ti watatamana mu kubika milongoki?

Ngano nti tuta longoka mu Yezu?

2. Luzolo tusongelaka mu bantu bu tutatamanaka mu ba bakisa mu bâ milongoki.

Landa tifwani tia Yezu

3. Longoka mu ntangu na mbuka yidelakane na mulongoki’aku. Yandi lendi zolo tilumbu timosi tia lumingu peleko ntangu yimosi ya tilumbu. Ngano mbo kazolo mu longoka ku tisalu tiandi, ku nzo’andi, peleko mu mbuka ya bantu babansoni? Tala ti bulendi bâ, delakasa programe’aku na nsatu zandi.

4. Vulueno longokaka na muntu wo. Tala ti ntangu ye naku, kumangisandi ndongokolo ya Bibila. Banza’eti:

1. Ngano lendi twarisa ndongokolo ya Bibila mu ntangu yakaka ya lumingu?

2. Ngano lendi twarisa ndongokolo ya Bibila ku telefone peleko mu vidéoconférence?

3. Ngano lendi tâ kwe tisamuni tiakaka tiatwarisa yo?

5. Sambila mu bâ na mabanza ma mbote. Lomba kwe Yehova kakubakisa mu lembo yambirika mulongoki’aku, ni bu sa ti musamu wa mpasi wena kwe yandi mu vulu longokaka na mu sarila malongi ma Bibila. (Flp. 2:13) Kampe mulongoki’aku bifu bia mbote biabingi bie nandi; sambila mu baka lubakusu ngatu watûla mabanza mu bifu bio.