Baka ndwenga za bilumbu biabiansoni mu JW.ORG

Zu dia Nzambi biabiansoni bie neto nsatu dituhana mu telamana nkwamusu za ntangu yi ya mansukina ya mpasi. (2Ti 3:1, 16, 17) Kâ ntangu zakaka tulendi bâ na nsatu lubakusu mu dzukula mitieno mia Bibia mi tulendi sarila mu misamu miakaka. Mu tifwani, ngano tibuti wena tita dinga malongi mu sansa bala? Ngano ntwenia wena yita telamana nkwamusu za timinu tiaku? Ngano mufwiri wena wuta dila lufwa lwa muntu wu wakwela? Lendi dzukula mu jw.org nsangu zikubakisa mu baka mitieno mia Bibila mikubakisa mu misamu mio na miakaka.​—Bin 2:3-6.

Mu tinima tia nkotolo ya jw.org, kota mu lweka lwa NDONGOSOLO ZA BIBILA. (Tala tifwani 1.) Mu lutangu lumoneka, sola mutu-diambu wu zolo. Peleko kota mu BIBLIOTEKE > MITU-DIAMBU mpe sola mutu-diambu wu zolo. (Tala tifwani 2.) Lendi baka mitu-diambu mio mu JW Library.a Kampe mbo zolo mu dinga mitu-diambu mu mbuka zo. Mpila yakaka ya baka mitu-diambu ni mu sarila mbuka ya dinga mu jw.org.

Tsoneka mitu-diambu emi mu mbuka ya dinga, mpe sola mitu-diambu mi zolo wa tanga.

• Sansa bala

• Mfwemoso za bantwenia

• Lufwa lwa muntu wu wakwela