Tima tia fioti ti hanaka bidia bia timpeve

Mbangi za Yehova bidia bia timpeve biabingi babakaka mu format digital bwawu bu, yôka mu ntama. Kâ mu mbuka zazingi mu nza, mpangi zeto ka zena na lenda dia kota mu Internet ko. Bakaka, mu bizunga bi babâka, ka kwena Internet ya mbote ko.

Kâ, babingi ha kati dia mpangi zeto balendi benda mikanda mu format digital mia lembo Internet! Ngano bwe wulendi bêla?

JW Box, kit yena peleko tima tia fioti ti bahanaka kwe timvuka bie na Internet ya mbi, peleko bilembolo na Intenet. Mu JW Box mwe na routeur yi basumba ku compagnie yimosi, logiciel yimosi yi bayirika ku departema ya Informatique ya ku Betele. Muna kit yilendi fwa ntalu ya 45 000 FCFA.

Ku nzo ya Nsambululu, bampangi balendi kota mu JW Box na appareils zawu na Wi-Fi, mu benda mikanda na video. Bô bê na appareils za ntama na bô bê na appareils zilembolo ntalu balendi kota mu JW Box. Kâ tala ti timvuka ka tiena na Internet ko, bwe bakotesela mikanda mia môna mu JW Box? Betele mbo yivulu tambikaka Clé USB yilendi fwa 2 400 FCFA, ye na mikanda mia môna mu kati na video za môna za mu jw.org, zi balendi benda mu JW Box.

Ngano bwe JW Box yabikisiri mpangi zeto? Nathan Adruandra, tata dibâka ku Congo (Kinshasa) têle ti: “Nayêla mu benda drame ya “Ô Yehova, . . . nge nita sikirika” na ya Bambukilakeno mukento wa Lote. Kâ nalembana, mpe nayizi nôka. Bwawu bu ndendi benda video zango mu telefone’ani, mpe beto twe bibuti mbo zitubakisaka mu tomo longesaka bala beto.”

Mpangi yibakisaka bimvuka bia ku Nigeria mu baka JW Box têle ti: “Kwe bampangi, JW Box kabu dia nzitukulu diena dia Yehova. Nkatika nsayi ye nawu ya bendaka mikanda na video za Bisalulu bia ndongosolo.”

Kit yôka 1 700 batambikiri kwe mpangi zeto za ku Afrique, ku Océanie na ku Amérique du Sud, mpe kani die neto dia tambika zo kwe bimvuka biakaka. Ngano mbongo za bisalu bio kwe zitûkaka? Mu mbongo za makabu ma basaka mu donate.jw.org zitûkaka, na mu mipla zakaka. Matondo mamingi mu bungu dia makabu meno ma luzolo.