Ngano mia ta bambukila?

Ngano na bunsungu bwabwansoni watengi bimoko bia Nzo ya Zangama ya Munkengi bia muvu wu? Tala ti ni bo, hanina biyuvu ebi mvutu:

Ngano ntia ndandu tubaka tala ti tubongele ntangu ya zonza, ya wirikila na ya dimbitila mu Yehova?

Mbo tukwizi bonga nzengolo za mbote, mbo tukwizi bâ milongi mia nkatika mia mbote, timinu tieto mbo titomo yikama ngolo mpe luzolo lweto mu Yehova mbo lutomo kula.​—w22.01, bin. 30-31.

Ngano ntia ndandu tubaka tala ti tulongokele mu kwikila Yehova na bantu Yehova ba kasarilaka?

Yi ni ntangu yi tufweti bâ na lukwikulu mu mpila Yehova yi kayirikilaka misamu, bu tulembo bâ na ntembe mu lutwalusu na mu nzengolo zi bongaka bakuluntu. Mu ntangu ya mpasi ziyôkele tulendi baka ntumunu zimoneka ntiana’eti za nzenza zena, ka zena za delakana ko peleko mpasi zena mu landa.​—w22.02, bin. 4-6.

Ngano mbazi bwe yeri zolo tâka bu yatâ ti Bayuda ‘bayangalala bu bamona musinga wa nivo ha koko kwa [Guvernere] Zorobabele’? (Zakari 4:8-10)

Misamu mia tâ mbazi mbo mieri zolo tâka ti ni bu sa ti Tempelo ya môna ka yaketi’â bâ ntiana Tempelo ya ntama ko mu butoma, mbo baketi manisa ntungulu’andi, mpe mbo yaketi bâ buna bweri ya dingilaka Yehova.​—w22.03, bin. 16-17.

Ngano bwe lendi bêla tifwani tia mbote mu nzonzolo? (1 Tim. 4:12)

Zonza na nsayi yayansoni mpe na buzitu bu bâka ku tisalu tia samuna, tangaka mu mutima’aku wa mukaka mpe vulu hanaka mvutu ku tukutakanu, tâka matieleka mpe bâ na nzonzolo yitunga bampwana’aku.​—w22.04, bin. 6-9.

Mu bungu dia nti bidimbu bie ku bibulu biyà (bimfumu) bi bazonzelaka mu Daniele 7 bie bia vukana kwe tibulu timosi mu Nzabukusu 13:1, 2?

Tibulu tia sangi ti bazonzelaka mu Nzabukusu 13 ka timonekesaka kwa guvernema yimosi ko, ntiana Rome. Kâ, mbo timonekesaka guvernema zazansoni ziyâlaka nza.​—w22.05, tin. 9.

Bwe tulendi songela ti lukwikulu lwe neto mu buderede bwa Yehova?

Muntu wamana tu finga peleko wamana tu fwemesa, mbo tusarilaka ngolo mu bika nkesi na diki mpe mbo tubikaka misamu ha moko ma Yehova. Yehova mbo kayirika mbi yayansoni ya nata masumu.​—w22.06, bin. 10-11.

Ngano mpangi yisa lusambulu ku lukutakanu nti yifweti bambukilaka?

Lusambulu ka yena nzila ko yi bahaninaka malongi kwe timvuka peleko yi bahaninaka nsangu. Buna mpangi yisa lusambulu kena na nsatu ko ya tâ misamu miamingi. (Mat. 6:7)​—w22.07, bin. 24-25.

Mu ntia mpila “bô bayirika misamu mia mbi” babakila “mvumbukulu ya mfundusu”? (Za 5:29)

Ka babaka mfundusu ya mbi, peleko nzengolo ya nsembolo ko mu bungu dia misamu mi bayirika ntete bafwa. Mfundusu yi babaka mbo yitarila misamu mi bayirika ha manima ma mvumbukulu’awu kwe ba fwa.​—w22.09, tin. 18.

Ngano mpangi J. F. Rutherford ntia lutindusu kahana ku lukutakanu lwa lunene mu septembre 1922?

Ku lukutakanu lwa Cedar Point, ku Ohio, ku États-Unis, watâ ti: “Mfumu yâla kata yâla! Dema die neno dia mwangasa nsangu zo kwe bantu babansoni. Buna, samuneno, samuneno, samuneno, Mutinu na Timfumu tiandi!”​—w22.10, bin. 3-5.

Ntia mpila zitatu Yehova zi katubakisilaka mu korela mpasi na nsayi yayansoni bazonzelaka mu Izaya tikapu 30?

Tikapu tio mbo tisongelaka ti Yehova mbo katubakisaka 1) bu katomo wirikilaka, mpe bu kahaninaka tusambulu tweto mvutu, 2) bu katutwarisaka, mpe 3) bu katusakumunaka lumbu ti na bu katusakumuna ku matu.​—w22.11, tin. 9.

Mu bungu dia nti tulendi têla ti Mikunga 37:10, 11, 29 ndungananu yeri nandi mu ntama na mu ntangu yi?

Misamu mia Davide mbo zonzelaka tusakumunu tweri ku Israele, ntiana mu ntangu ya luyâlu lwa Salomo. Yezu mpe wasarila verse 11 bu kazonzela Paradi yikwiza. (Mat. 5:5; Like 23:43)​—w22.12, bin. 8-10, 14.