TIMOKO 36
Bâ na bunsungu mu misamu miamiansoni
Muna muntu zololo mu bâ na ndiku ze na bunsungu. Yehova mpe ndiku zandi kalombaka mu bâ na bunsungu. Kâ, musamu wa mpasi wubâka mu nza yi yifulukiri mu bantu balembolo na bunsungu. Ntia ndandu tubâka tamana bâ na bunsungu mu misamu miamiansoni?
1. Mu bungu dia ntia musamu wa mfunu tufweti bâ na bunsungu?
Bu tusarilaka bunsungu kwe bantu bakaka, mbo tusongelaka kwe Yehova ti, Yandi tuzololo mpe Yandi tuzitisaka. Banza’eti: Yehova zebi misamu miamiansoni mi tubanzaka na mi tuyirikaka. (Bahebre 4:13) Bu tusolaka mu bâ na bunsungu, wa kamonaka mpe nsayi wumutâka. Zu diandi ditêle ti: “Yehova muntu we na bungungu kayinaka, kâ ndiku ya mutima yena ya bantu ba sungama.”—Bingana 3:32.
2. Bwe tulendi sarila bunsungu mu luzingu lweto?
Yehova zololo ti ‘tatâka matieleka beto na beto.’ (Zakari 8:16, 17) Bwe wuta zolo tâ? Bu tuzonzaka na bantu ba kanda dieto, na bantu ba tusalaka, na Bakristo bakaka, peleko na bisari bia guvernema, ka tuhunaka ko peleko ka tuhanaka nsangu za bungungu ko. Bantu basarilaka bunsungu ka balabaka ko peleko ka basarilaka bumbaki ko. (Tanga Bingana 24:28 na Bisi-Efeze 4:28.) Mpe, mpaku zazansoni zi babalombaka bafutaka. (Bisi-Rome 13:5-7) Mu mpila zo na zakaka “tuzololo tabâ na ndiatulu ya mbote mu misamu miamiansoni.”—Bahebre 13:18, NWT.
3. Ntia ndandu tubakaka bu tusarilaka bunsungu?
Bu tusarilaka bunsungu, bantu bakaka mbo batukwikilaka. Tidzunu tusingasaka mu timvuka ntiana mu kanda. Ngindu ya mbote yikwizi bâka neto. Bunsungu bweto bulendi “tomesa ndongosolo ya Mvukisi’eto, Nzambi,” mpe bulendi benda bantu bakaka mu kwizi sarila Yehova.—Tite 2:10, NWT.
YIKA NDILU
Tala nti bunsungu busaka kwe Yehova na kwe nge, mpe longoka bwe lendi bêla na bunsungu mu misamu mia luzingu.
4. Bunsungu Yehova butâka nsayi
Tangeno Mikunga 44:21 na Malaki 3:16, mpe zonzeleno biyuvu ebi:
Mu bungu dia nti ta banza ti ka wena musamu wa mbote ko mu kwikila ti tulendi sweka matieleka?
Mu nge bwe Yehova kamonaka bu tusolaka mu tâ matieleka, ni bu sa ti musamu wa mpasi wubâka?
Bala bu batâka matieleka, bibuti biawu batâka nsayi. Bu tutâka matieleka, Yehova tutâka nsayi
5. Sarilaka bunsungu ntangu zazansoni
Bantu babingi bakwikilaka ti bunsungu ka bubâka salu ko ntangu zazansnoni. Kâ, tala mu bungu dia nti tufweti bâka na bunsungu ntangu zazansoni. Taleno VIDEO.
Tangeno Bahebre 13:18, mpe zonzeleno bwe tulendi bêla na bunsungu . . .
mu kanda dieto.
ku tisalu peleko ku lukolo.
mu misamu miakaka.
6. Bunsungu ndandu butunatinaka
Bunsungu bulendi tulumuna misamu. Kâ, ni tima tiyôkele bubote ti lendi sa ntangu zazansoni. Tangeno Mikunga 34:12-16, mpe zonzeleno tiyuvu eti:
Bwe bunsungu bulendi tomesena luzingu lwaku?
Bakento na babakala bê na bunsungu makwela mawu bayikaka ngolo
Bisari bie na bunsungu mbo babasikirilaka kwe mfumu zawu
Bantu bê na bunsungu nkumbu ya mbote yibâka nawu ha meso ma bisari bia luyalu
TALA TI BAKUTÊLELE: “Tulendi hunaka ntangu zakaka tala ti ka wuta mwisa bantu mpasi ko.”
Mu bungu dia nti kwikilaka ti Yehova bungungu bwabwansoni kayinaka?
MU BUKUFI
Yehova zololo ti ndiku zandi zabâka na bunsungu mu nzonzolo na mu ndiatulu.
Biyuvu bia mbambukulu
Bwe tulendi bêla na bunsungu?
Mu bungu dia nti wulembolo musamu wa mbote mu banzaka ti tulendi sweka matieleka?
Mu bungu dia nti ta zolo mu bâka na bunsungu ntangu zazansoni?
ZABA BIAKAKA
Bwe bibuti bilendi longesela bala bawu mu bâ na bunsungu?
Ntia ndandu tubakaka bu tulungisaka makani meto?
Taluzula tala ti tufweti futa mpaku ni bu sa ti mu mpila ya mbi basarilaka zo.
“Mpaku—Ngano fweti za futa?” (Nzo ya Zangama ya Munkengi, 1er septembre 2011)
Nti biatuma bakala dimosi dialembo bâ na bunsungu mu soba luzingu lwandi na mu bâ na luzingu lwa bunsungu?