ISOMO 15
Kabamba ka buni watunganana kutasiga kujigisya Bibilia?
1. Mutali mukizi ziun’ema kumona ndi ntwasiga kujigisya Bibilia?
Meigisya mazito ma Bibilia malosibwe mu zeno broshire makakizya lebelebe lutundo lobe kwa Yehowa. Lulo lutundo lwatunganana kukungwa. (1 Petro 2:2) Unavuama kuba na kilemanizio kya kalamo ka milyalya ndi wasigelela Kalaga mu kwijigisya kitondo kyage.—Soma Yoana 17:3; Yuda 21.
Bukumenya nunse Kalaga unu bukwimana bukokomezio bwa bukatizyo bwobe. Bukatizyo bwobe bwasinge umubogyebogye. (Baebrania 11:1, 6) Bwakusinge uijanizye nu kutulungula misako mu kalamo kobe.—Soma Misako 3:19.
2. Buni ubun’ema kukasya bango bantu makengelo anga mobe mu kumenya Kalaga?
Uningila mu bulemba busoga na Yehowa
Bumba bwetu buli bwa kusolela bango bantu bitwizi: tubanse tukutunda kusola misago misoga. Andi tatwasiga kujigisya Bibilia, tunamenya kwikasya ku kwisula makatizyo ma Yehowa, nu misago misoga zeli nazo kweitu.—Soma Baroma 10:13-15.
Bengi bekwikasa ku kusola misago misoga ku bilemba byabo nu bikanga byabo. Ube mwenge. Ntubule benyobe buno madini mabo tamasoga basolele idagano lya Kalaga. Nu wikengelesye buno mambizi mengi mponga zikukataga ku mutima kutinga bitondo.—Soma 2 Timoteo 2:24, 25.
3. Bulemba buki bu unakita na Kalaga?
Kujigisia Misago za Kalaga kwa kukasie ukule mu muuza. Kutinga bindi, unaingila mu bulembabusoga lebelebe na Yehowa. Unaba ono lelo wabe anga umozi wa mu kikanga kyage.—Soma 2 Bakorinto 6:18.
4. Buni buuneima kukula?
Uneima kukula mu muuza, mu kujigisya Bibilia. (Baebrania 5:13, 14) Buzia mulongeki wa Yehowa umozi ekukasye kulembana na kitabu Biblia Byatwigisya Kikizi? Bu ukwisigilila usondolezibwe na kitondo kya Kalaga ubwabe kalamo kobe kasoga.—Soma Nimbo 1:1-3; 73:27, 28.
Misago misoga zasolwa mu zeno broshire zatuka ku Yehowa Kalaga uli na mbogimbogi. Unaguama kumusigelela ndi wasigelela bakumbami bage. (Baebrania 10:24, 25) Mukulendeka magala mobe kwa kumubogyabogya, walindile kalamo ka bulili, kalamo ka milyalya. Kusigelela bwigi na Kalaga u kitondo kisoga ki unalangela kukita.—Soma 1 Timoteo 1:11; 6:19.