Bakristo Batunganana Kuba na Makengelo Makizi ku Maku?

Mu kisi kinsania, bantu beli na makengelo matingana-tingana ku kabamba ka maku. Bantu bamozi bekubogelabogela kunua maku gamozi na bilemba byabo. Bango bekusombola kutanua maku. Nu kuli bango bekunua nunse nu kubasila ku bulebi. Biblia byatenda kikizi ku kabamba ka maku?

1. Ndi buli bubi kunua maku?

Biblia tabyatenda buno buli bubi kunua maku. Tondo, gabyatendela nkaso zatukasile Kalaga, Biblia byatenda buno “mazi ma biguma [aba divai] makubogiabogia mutima wa muntu.” (Nimbo 104:14, 15) Biblia byatendela tondi bamulume nu bakikulu bakatizia banuaga maku.​—1 Timoteo 5:23.

2. Biblia bili na nsungu nkizi ku babo basombola kunua maku?

Yehowa azugila bulebi bwa maku nu kunua nunse. (Bagalatia 5:21) Kitondo kyage Biblia kyatenda bunee: “Ntwikale gamozi na banuzi [aba banuzi nunse] ba maku.” (Misumo 23:20) Kasi, ndi twasombola kunua​—aba geteli bantu​—tatwatunganana kunua nunse, nu kubasila kuzimizya makengelo, kutamenya lingo bitukutenda nu bitukukita, aba kubigya lukita lweitu lwa mubili. Ndi tatukukosya kwibikila myaga ku nkindi za maku zitwanue, kasi twatunganana kusiga kunua maku.

3. Buni butunakutya bulamuzi bwa bango ku kabamba ka maku?

Na muntu na muntu atunganana kwisombolela ndi anue maku aba kilo. Tatwatunganana kusungya muntu wasombola kunua maku kwa kutatinga myaga, nu tatwatunganana kukandika muntu utekunuaga. (Baroma 14:10) Tuneizugila kunua maku ndi menalisya mbaselo mbi ku bango. (Soma Baroma 14:21.) N’umozi ku beiswe “ntalonde mutali wage wenyene, tondo mutali wa munyage.”​—Soma 1 Bakorinto 10:23, 24.

TUMENYININE

4. Sombola ndi wanue aba ntwanue maku

Buni bwabezaga makengelo ma Yesu ku kabamba ka maku? Kwa kumona ijakulo, lola muganogano mutangi wakitile Yesu. Soma Yoana 2:1-11, nu kusila ibuzye zeno mbuzya:

• Wono muganogano watwigisya kikizi ku makengelo ma Yesu ku kabamba ka maku nu babo bekunuaga?

• Kubuno Yesu ntatendile buno buli bubi kunua maku, kasi Mukristo atunganana kumona buni muntu wasombola kunua maku?

Aba buno Mukristo eli na bukandulwa bwa kunua maku, tondo bubo tabwalosya buno atunganana kusombola kunua maku bindi binsania. Soma Misumo 22:3, nu kusila lola buni b’unakita ndi wasombola kunua mu zeno nkita zalemba:

• Ndi ukwendya bwato, nkinga, pikipiki nu kaminyo aba ukukambya masini kishembe

• Ndi uli n’ijeme.

• Ndi munganga akusungula kutanua maku.

• Ndi ntukukosya kutatinga myaga.

• Ndi kunua maku takukwitabizibwa na milembe za mbulamatali.

• Ndi uli gamozi na muntu wasombola kutanua maku kubuno ntakosyaga kwizugila wakalazi.

Ndi watunganana kukasana maku, anga ku kisagulo kya ndoba? Kwa kumona kikizi kinakukasya kukata bulamuzi, lola VIDEO.

VIDEO: Ndi Natunganana Kukasana Maku? (2:41)

Soma Baroma 13:13 nu 1 Bakorinto 10:31, 32. Kusila kusoma isanzo imozi lwabusio lwa kutinga ku ingo, ibuzye luno lubuzya:

• Mu nzila nkizi kukambya zeno kanuni kunakukasya kukata bulamuzi bukubogyabogya Yehowa?

5. Menya nkindi zigezye gani ziwanue

Ndi wasombola kunua maku, kengela bubuno: Aba buno Yehowa ntazugila kunua maku, azugila kunua nunse. Ku kabamba kakizi? Soma Hosea 4:11, 18, nu kusila ibuzye luno lubuzya:

• Kikizi kinabasila muntu ndi anua maku nunse?

Buni butunabembuka kunua maku nunse? Twatunganana kumenya myaga zeitu nu kutalengelela. Soma Misumo 11:2, nu kusila ibuzye luno lubuzya:

• Kabamba kakizi buli busoga kumenya nkindi zigezye gani zitwanue?

6. Kikizi kinakasya muntu kusiga kunua maku nunse?

VIDEO: ‘Nsyatundaga Lingo Bubo Bunalamaga’ (6:32)

• Mu zeno video, maku makitile Dmitry abe buni?

• Ndi akosizye kusiga kunua maku ku limbizi itangi?

• Kuzinda, kikizi kyamukasizye kusiga bumba bwage bwa kunua maku?

Soma 1 Bakorinto 6:10, 11, nu kusila ibuzye zeno mbuzya:

• Bulebi buli na mbaselo nkizi mbi nunse?

• Kikizi kikulosya buno muntu ukunua nunse enagaluka?

Soma Matayo 5:30, nu kusila ibuzye luno lubuzya:

• Musumo wa Yesu wa kusesa kuboko uli na bwisulilwa bwa buno, twatunganana kusiga kintu kishembe kwa kubogyabogya Yehowa. Unakita kikizi ndi ntukukosya kusiga kunua maku nunse?a

Soma 1 Bakorinto 15:33, nu kusila ibuzye luno lubuzya:

• Ndi bilemba byobe bikunuaga maku nunse bubo bwabe na mbaselo nkizi kuguli?

MAKENGELO MANENE

Yehowa atukasile maku buno matulisizye mbogimbogi, tondo azugila bulebi nu kunua nunse.

Mbuzya za kwikengelesya

• Biblia byatenda kikizi ku kabamba ka maku?

• Kunua maku nunse kuli na mbaselo nkizi mbi?

• Buni butunakutya bulamuzi bwa bango ku kabamba ka maku?

LONDA LINGO

Buni bunakata basikila nu bakinga bulamuzi busoga ku kabamba ka maku?

Kengela Mbaselo Lwabusio lwa Kunua (2:31)

Lola makengelo menakukasya kukinda bumba bwa kunua nunse.

“Maku Meli na Kiziki Kikizi mu Kalamo Kobe?” (Munara wa Mulinzi, 1 Mwezi wa 1, 2010)

Ndi Mukristo atunganana kusambya bituma?

“Mbuzya za Basomi Beitu” (Munara wa Mulinzi, 15 Mwezi wa 2, 2007)

Mu musagu “Nabezaga Kanyumbu,” lola buni bwasigile wamulume umozi kunua maku nunse.

“Biblia Bikugalukyaga Kalamo ka Bantu” (Munara wa Mulinzi, 1 Mwezi wa 5, 2012)