ISOMO 53
Sombola Bintu bya Kwibogyabogya Nabyo Bikutananizya Yehowa
Yehowa eli “Kalaga wa mbogimbogi.” (1 Timoteo 1:11) Ekutunda tube na mbogimbogi nu tubogelebogele kalamo. Tukumubogyabogya ndi twibikila nkungu za k’umunwa nu kwibogyabogya. Mu lilino isomo, twamenye buni butunakambya nkungu zeitu za kwibogyabogya mu nzila nsoga—nu zikutananizya Yehowa.
1. Ndi tukusombola bintu bya kwibogyabogya nabyo twatunganana kukengela kikizi?
Ukutundaga kukita kikizi kwa kwibogyabogya? Bantu bamozi bekutundaga kusigala ku numba kwa—kusoma bitabu, kungwilila nimbo, kulola video, aba kulonda misagu ku enternete. Bango bekutunda kutingya nkungu gamozi na bilemba byabo kwa—kwenda beitabangya ku biziki kishembe, kutingya nkungu kwa kwenda nalola bintu kishembe aba kwesa meija. Ibe twatunde kwibogyabogya na bikizi, twatunganana kusombola bintu bya kwibogyabogya nabyo ‘bikutananizia Mukota.’ (Baefeso 5:10) Buli busoga kumenya bubo, kubuno bintu byeingi bya kwibogyabogya nabyo bikutunda nunse bantu, byasombwa na Yehowa, anga bintu bya butombo, butazi, nu bya buganga aba basumbu. (Soma Nimbo 11:5.) Kikizi kyatukasye kusombola busoga bintu bya kwibogyabogya nabyo?
Ndi twasombola beida batunda Yehowa, benatukasya kuba na misako misoga nu kusombola busoga bintu bya kwibogyabogya nabyo. Anga butwajigisizye mu isomo lya 48, ‘wozo wenda gamozi na mwiya menge nu we nti abe na menge.’ Tondo, ndi tukutingyaga nkungu mambizi meingi gamozi na bantu betekutunda kanuni za Kalaga, nti ‘twababalwe.’—Misumo 13:20.
2. Kabamba kakizi buli busoga kumenya nkungu zigezye gani zitwatingye kwa kwibogyabogya?
Aba buno bintu bitwasombola kwibogyabogya nabyo bili bisoga, twatunganana kuba meiso buno tatutingye nkungu neingi kwa kwibogyabogya. Ndi twakita bubo, tuneida nkungu za kukita bintu bya mutali nunse. Biblia byatusungula buno tukambye busoga ‘nkungu . . . zituli nazo.’—Soma Baefeso 5:15, 16.
TUMENYININE
Lola buni b’unasombola busoga bintu bya kwibogyabogya nabyo.
3. Tatwibogyebogye na bintu biteli bisoga
Kabamba kakizi twatunganana kusombola busoga bintu bya kwibogyabogya nabyo? Lola VIDEO, nu kusila ibuzye zeno mbuzya zalemba.
Mu nzila nkizi meija ma Baroma masusania na meija mamozi m’ono lelo?
Mu zeno video, Danny ijigisizye kikizi ku kabamba ka bintu bya kwibogyabogya nabyo?
Soma Baroma 12:9, nu kusila ibuzye luno lubuzya:
Buni bunakukasya lino isanzo kusombola busoga bintu bya kwibogyabogya nabyo?
Yehowa ekusombaga bikizi? Soma Misumo 6:16, 17 nu Bagalatia 5:19-21. Kusila kusoma isanzo imozi lwabusio lwa kutinga ku ingo, ibuzye luno lubuzya:
Ku bitondo byatendelwa mu lino isanzo, bikizi bikukita nunse bantu ono lelo kwa kwibogyabogya?
Buni b’unasombola busoga bintu bya kwibogyabogya nabyo?
Lwabusio lwa kusombola bintu bya kwibogyabogya nabyo, ibuzye bunee:
Kikizi? Ndi bisa munda bintu bikusombwa na Yehowa?
Nkungu nkizi? Ndi binanilya nkungu za kukita bintu bya mutali nunse?
Nazi? Ndi binankita nitingye nkungu neingi gamozi na bantu betekutunda Yehowa?
Kwa kwilanga, buli busoga nunse kuba bulazi n’itega. Ukinsa twatunganana kwibembukya na bintu bya kwibogyabogya nabyo bitwizi buno tabili bisoga kweitu
4. Kambya busoga nkungu zobe
Lola VIDEO, nu kusila ibuzye lubuzya lwalemba.
Aba buno mubuto ntalolaga bintu bibi mu zeno video, tondo kikizi kyabende mulondo kweli?
Soma Bafilipi 1:10, nu kusila ibuzye luno lubuzya:
Buni bunakukasya lino isanzo kwa kumenya nkungu zigezye gani ziwatingye kwa kwibogyabogya?
5. Sombola bintu bya kwibogyabogya nabyo bili bisoga
Aba buno bintu bimozi bya kwibogyabogya nabyo tabikutananizya Yehowa, tondo kuli bintu byeingi bikumutananizya. Soma Musambazi 8:15 nu Bafilipi 4:8, nu kusila ibuzye luno lubuzya:
Bintu bikizi bisoga bya kwibogyabogya nabyo biukutundaga?
Unaba na mbogimbogi kwa kwibogyabogya na bintu bisoga
NDI MUNTU AKUSOLELA BUNEE: “Takuli bubi kwibogyabogya na bintu bya butombo, butazi nu bya buganga aba basumbu, kubuno ta nne u ukukita bintu byongo.”
Unatenda buni?
MAKENGELO MANENE
Yehowa ekutunda tusombole nu kwibogyabogya na bintu bisoga.
Mbuzya za kwikengelesya
Bakristo tabatunganana kwibogyabogya na bintu bikizi?
Kabamba kakizi twatunganana kumenya nkungu zigezye gani zitwatingye kwa kwibogyabogya?
Kabamba kakizi unatunda kusombola bintu bya kwibogyabogya nabyo bikutananizya Yehowa?
LONDA LINGO
Nazi watunganana kutusombolela bintu bya kwibogyabogya nabyo?
Lola nsungu zinakukasya kusombola busoga bintu bya kwibogyabogya nabyo.
“Ndi Ukwibogyabogya na Bintu Binakulisizya Mutali” (Munara wa Mulinzi, 15 Mwezi wa 10, 2011)
Mu musagu “Nasigile Bulundulundu,” lola buni bwakitile wamulume umozi kwa kugalukya nzila zage za kwibogyabogya.
“Biblia Bikugalukyaga Kalamo ka Bantu” (Munara wa Mulinzi, 1 Mwezi wa 2, 2010)
Lola buni bwakatile nina umozi bulamuzi busoga ku kabamba ka filme za buganga aba za basumbu.