ISOMO 26
Kabamba Kakizi Kuli Bubi nu Mbabazio mu Kisi?
Gekubasila bubi, bantu bekwibuzyaga bunee: “Kabamba kakizi bubi bubuno bwabasila?” Tuli na mbogimbogi kumenya buno Biblia by’akula bwasi-bwasi lulo lubuzya!
1. Buni bwalingizye Satana bubi mu kisi?
Satana Diabolo agunine Kalaga. Satana atundaga kwangata bango, ukinsa engelide bantu batangi Adamu nu Eva beisambikye gamozi nage ku buguni bwage. Satana akitile bubo kwa kutenda buza ku Eva. (Kulinga 3:1-5) Akitile Eva akengele buno Yehowa amwimile kintu kisoga. Atendile buno banakantu benaba na mbogimbogi ndi tab’anza Kalaga. Satana atendile buza butangi kwa kusolela Eva buno ntenakule. Ukinsa Biblia byamana Satana buno “muza nu . . . isi wa buza.”—Yoana 8:44.
2. Adamu nu Eva basombwede kukita kikizi?
Yehowa alosizye mponga nunse ku Adamu nu Eva. Atendile buno, benalide biguma bya miti insania za mu isoa lya Edeni kutikya tugu biguma bya muti umozi. (Kulinga 2:15-17) Tondo basombwede kulya ku biguma bibazugidwe. Eva “akolile ku biguma nu kubilia.” Kusila, Adamu “abilide” nu gwe (Kulinga 3:6) Bansania tabanzile Kalaga. Kubuno Adamu nu Eva babezaga basililila, batungananine kukita bili bisoga. Tondo kwa kwisombolela kutanza Kalaga, bagile nu kusomba bwangati bwage. Kusombola kubakitile kwabalisizye nsungyo nene.—Kulinga 3:16-19.
3. Bulamuzi bwa Adamu nu Eva buli na mbaselo nkizi ku beiswe?
G’akitile Adamu nu Eva bwagi, babende bantu betasililila, nu batingizye kutasililila kwongo ku bikanga binsania bya banakantu. Biblia byatenda buno ku kabamba ka Adamu: “Ku muntu umozi, bwagi bwingide mu kisi, nu ku kabamba ka bwagi lukuo, bubo lukuo lwabasile ku bantu bansania.”—Baroma 5:12.
Kuli tubamba tweingi tukukita buno tusungibwe. Mambizi mamozi tukusungibwa ku kabamba ka bulamuzi bubi butwakatile. Ingo nkungu, tukusungibwa ku kabamba ka bulamuzi bubi bwakatile bango. Tukusungibwa lingo kwa kusangwa mu kiziki kibi nu mu nkungu mbi.—Soma Musambazi 9:11.
TUMENYININE
Lola kabamba kakizi twatenda buno ta Kalaga u ukulisyaga bubi nu mbabazio mu kisi, nu lola buni bwekwijungwaga gekumona tukusungibwa.
4. Wozo ukutulisizyaga mbabazio
Bantu beingi bekukatiziaga buno Kalaga u wangata kisi kinsania. Ndi u buligo? Lola VIDEO.
Soma Yakobo 1:13 nu 1 Yoana 5:19, nu kusila ibuzye luno lubuzya:
Ndi Kalaga u ukulisyaga bubi nu mbabazio?
5. Kwangata kwa Satana kwalisya mbaselo nkizi?
Soma Kulinga 3:1-6, nu kusila ibuzye zeno mbuzya:
Satana ekile buza bukizi?—Lola mulindi 4 nu 5.
Buni bwatendile Satana kwa kulosya buno Yehowa imile bantu kintu kisoga?
Kulembana na makengelo ma Satana, ndi banakantu beijanizya kwangatwa na Yehowa buno babe na mbogimbogi?
Soma Musambazi 8:9, nu kusila ibuzye luno lubuzya:
Bikizi bikubasila mu kisi kubuno ta Yehowa u ukwangata?
Adamu nu Eva babezaga basililila nu balamaga mu Paradizo. Tondo b’ungwilile Satana nu kuguna Yehowa
Kusila buguni bwabo, kisi kizile na bwagi, mbabazio nu lukuo
Yehowa ekasila bwagi, mbabazio nu lukuo. Banakantu bekaba lingo basililila nu kulama mu Paradizo
6. Yehowa ekutwangaga mu mbabazio zeitu
Ndi Kalaga ntekutwangaga mu mbabazio zeitu? Lola buni bwasanzile mukota Davidi nu musingwa Petro. Soma Nimbo 31:7 nu 1 Petro 5:7, nu kusila ibuzye luno lubuzya:
Wijungwa buni gawamenya buno Yehowa izi mbabazio zeitu nu ekutwangaga gatukusungibwa?
7. Kalaga ekasila mbabazio insania za banakantu
Soma Isaya 65:17 nu Kulolesibwa 21:3, 4, nu kusila ibuzye luno lubuzya:
Kabamba kakizi twabobelezibwa kumenya buno Yehowa ekatikya binsania bikulisizya banakantu bubi bwa nkita insania?
Ndi wamenyile?
G’atendile buza butangi, Satana amwekile Yehowa buza, ukutenda buno kubigya lukumu lwa Yehowa kwa kulosya buno eli Mwangati mubi uteli na lutundo. Bwigi gano, mu nkungu zikuvwa, Yehowa asile mbabazio za banakantu kwa kuswagya lukumu lwage, u kutenda buno ekalosya lebelebe buno Bwangati bwage u bwangati busoga nunse. Kuswagibwa kw’izina lya Yehowa u kya mutali nunse ga kisi nu mwigulu.—Matayo 6:9, 10.
NDI MUNTU AKUSOLELA BUNEE: “Tukusungibwa kubuno u bwalagile Kalaga.”
Unatenda buni?
MAKENGELO MANENE
Satana Kaginga nu bantu babili batangi u balingizye bubi mu kisi. Yehowa ekutwangaga nunse mu mbabazio zeitu nu ese bwigi kuzisila.
Mbuzya za kwikengelesya
Satana Diabolo atendile buza bukizi ku Eva?
Buguni bwa Adamu nu Eva buli na mbaselo nkizi ku beiswe bansania?
Buni butwamenya buno Yehowa ekutwangaga mu mbabazio zeitu?
LONDA LINGO
Lola bwisulilwa bwa bwagi mu Biblia.
Ijigisye byeingi ku lubuzya lwalisizye Satana Diabolo mu isoa lya Edeni.
“Kabamba Kakizi Kalaga Asigilila Mbabazio?” (Munara wa Mulinzi, 1 Mwezi wa 1, 2014)
Lola makulo mekubobelezia ku mbuzya mbibu.
Lola buni bwijigisizye wamulume umozi ku kabamba ka bubi bwamonaga mu ntungo mwage.