Buni B’unatananizya Yehowa Kutingila Mutendezi Wobe?

G’atubumbile Yehowa, atukasile lukaso lusoga​—magala ma kutenda. Ndi bitondo bitukutendaga bili bya mutali ku Yehowa? Lebelebe! (Soma Yakobo 1:26.) Kasi buni butunakambya magala meitu ma kutenda mu nzila zikutananizya Yehowa?

1. Buni butunakambya busoga lukaso lwa kutenda?

Biblia byatusolela bunee: “Bobelezaniazi nu mulindaniazi bweinyubweinyu.” (1 Batesalonika 5:11) Ndi ukukengela buno kuli bantu bekwijanizya kubobelezibwa? Buni b’unababobelezia? Ubalosye buno wabatunda. Mango unabalosya nkumu zabo zikukutananizyaga. Ndi unakengela isanzo imozi linalindya mutima muntu uwamenya? Kuli masanzo meingi maunasombola. Kengela lingo buno, nzila zobe za kutenda zinabobelezia nunse muntu kutinga bitondo biukutenda. Kasi bindi binsania idindike kutenda bitondo bisoga nu byabota.​—Misumo 15:1.

2. Tatwatunganana kuba na mutendezi mukizi?

Biblia byatenda bunee: “Mu tunua tweinyu tamutuke bitondo bibi.” (Soma Baefeso 4:29.) Bubo bwisulwa buno tatwatunganana kutenda bitondo bya nsese aba bitatunganana nu bitondo bininia bango mutima. Tatwatunganana lingo kwenda nagamba bango nu kwekela bango buza.​—Soma Misumo 16:28.

3. Kikizi kinatukasya kuba na mutendezi ukulindya bango mutima?

Lebelebe, bitondo bitukutenda bikulosya bibyo bili mu mutima weitu nu mu makengelo meitu. (Luka 6:45) Kasi twatunganana kuba na mutendezi musoga—u kutenda buno bitondo bisanana, byaswaga, bikutananizya nu bya kuganuna bango. (Bafilipi 4:8) Buno tube na mutendezi wa bubo, twatunganana kusombola busoga bintu bya kwibogyabogya nabyo nu beida beitu. (Misumo 13:20) Buli busoga lingo kukengela lwabusio lwa kutenda nu kumenya bitukutenda byabe na mbaselo nkizi ku bango. Biblia byatenda bunee: “Wozo ukusasia kutenda geteli kulengania [aba kukengela] eli anga mwene wa nganda, tondo lulami lwa mwiya menge lukulusia kalamo.”​—Misumo 12:18.

TUMENYININE

4. Menya bikizi biwatende

Mu nkungu imozi, tukwibezyaga ku kabamba ka bitondo bitwatendile. (Yakobo 3:2) Soma Bagalatia 5:22, 23, nu kusila ibuzye zeno mbuzya:

• Kwa kuswagya mutendezi wobe, unasega Yehowa akukasye kukuzya nkumu nkizi gesamba nkumu zatendelwa mu lino isanzo? Buni bunakukasya nkumu zongo?

Soma 1 Bakorinto 15:33, nu kusila ibuzye luno lubuzya:

• Beida bawisombolela nu bintu biukwibogyabogya nabyo binakukita ube na mutendezi mukizi?

Soma Musambazi 3:1, 7, nu kusila ibuzye luno lubuzya:

• Buli busoga kwikala kibibi mu nkungu nkizi aba kulindila nkungu nsoga kwa kutenda bitondo kishembe?

5. Tenda bitondo bisoga ku kabamba ka bango

VIDEO: Tenda Bitondo “Bisoga Binalindya Bango” (4:07)

• Mu zeno video, kabamba kakizi gono mubuto atundile kugalukya lukita lwa mutendezi wage ku kabamba ka bango?

• Akitile kikizi kwa kugalukya lukita lwage lwa kutenda?

Soma Musambazi 7:16, nu kusila ibuzye luno lubuzya:

• Twatunganana kukengela kikizi ndi tukusindikwa kutenda butatunganana ku kabamba ka bango?

Soma Musambazi 7:21, 22, nu kusila ibuzye luno lubuzya:

• Buni bunakukasya zezo milindi kwa kutaba na bongoa ndi w’ungwa muntu ekukugamba aba ekutenda bubi ku kabamba kobe?

6. Ube na mutendezi musoga g’ukwezezya na bantu ba kikanga kyobe

VIDEO: Lutundo nu Lwanzo u Bikukitaga Kikanga Kilame mu Bumozi (3:08)

• Kikizi kyakukasye kuba na mutendezi musoga ku bantu ba kikanga kyobe?

Soma Baefeso 4:31, 32, nu kusila ibuzye luno lubuzya:

• Bitondo bikizi binalindya mutima bantu ba kikanga kyobe?

Yehowa alosizye buni bwijungwaga ku kabamba ka Mwana wage, Yesu. Soma Matayo 17:5, nu kusila ibuzye luno lubuzya:

• Buni b’unajanga Yehowa mu nzila za kwezezya na bantu ba kikanga kyobe?

MAKENGELO MANENE

Bitondo bitukutendaga binakasya bango aba kubeinia mutima. Twatunganana kukengela busoga ku kabamba ka bibyo bitwatende, nkungu zitwatende kuzo nu buni butwatende bitondo byongo.

Mbuzya za kwikengelesya

• Mu nzila nkizi unakambya busoga mutendezi wobe kwa kukasya bango?

• Watunde kwibembukya na bitondo bikizi?

• Kikizi kinatukasya bindi binsania kuba na mutendezi musoga nu ukulindya bango mutima?

LONDA LINGO

Kikizi kinatukasya kuba na mutendezi ukulindya bango mutima?

Kuzya Kuba na Lulami lwa Beija Menge (8:04)

Ijigisye bibyo binakukasya kutaba na mutendezi mubi.

“Ndi Buli Bubi Kuba na Mutendezi Mubi?” (Musagu wa ku Enternete)

Lola buni b’uneibembukya n’itega lya kugamba bango.

Buni Buninasiga Kugamba Bango? (2:36)

Lola mu nzila nkizi Yehowa akasizye wamulume umozi kusiga mutendezi wage mubi.

“Nalingile Kukengela Nunse ku Kabamba ka Kalamo Kanabezaga Nako” (Munara wa Mulinzi, 1 Mwezi wa 8, 2013)