Biblia Binakukasya Kuba na Kalamo Kasoga!

Lebelebe beiswe bansania tukwibuzyaga mbuzya neingi ku kabamba ka kalamo, mbabazio, lukuo nu ku kabamba ka nkungu zikuvwa. Tukuzangela-zangela lingo mankunku ma kalamo ka busi na busi, anga buni butunakukya meijanizyo ma kikanga kyeitu aba kikizi kitunakita buno kikanga kyeitu kibe na mbogimbogi. Bantu beingi bese bimonela buno Biblia by’akula mbuzya nene za kalamo nu bili tondi na nsungu zabakasya kuba na kalamo kasoga. Ndi ukukengela buno Biblia binatukasya kuba na kalamo kasoga?

1. Biblia bikwakulaga mbuzya nkizi?

Biblia bikwakulaga zeno mbuzya za mutali: Buni u bwalingile kalamo? Kabamba kabuni tuli gano ga kisi? Kabamba kabuni bantu basoga bekusungibwa? Kuni kukwendaga bakuzi? Kubuno bantu bansania bekutundaga bubobelelo, kabamba kabuni kuli bita byeingi? Buni bukaba kisi mu nkungu zikuvwa? Biblia byakasana makulo ma bulili ku zezo mbuzya, nu bantu beingi bese bimonela makulo mekubogyabogya ku mbuzya zongo.

2. Buni bunatukasya Biblia kuba na kalamo ka mbogimbogi?

Biblia byatukasa nsungu nsoga. Anga, byatwigisya bitunakita kwa kuba na mbogimbogi mu bikanga. Byatulosya buni butuneitania mizangozango nu kubogelabogela mulimo weitu. Wabasile kumenya bibyo bigisya Biblia ku misagu zezo nu wamenye byeingi nunse kwa kwijigisya kino kitabu. Unabasela kwitabizya buno “masanzo mansania . . . meli masoga.”​—2 Timoteo 3:16.

TUMENYININE

Menya mu nzila nkizi Biblia byakasizye bantu kishembe, kikyo kinakukasya kubogelabogela kusoma Biblia nu kubuni buli busoga ungo akukasye kumenya Biblia busoga.

3. Biblia binatusondelezya

Biblia bili anga kyeingi kikusana nunse. Tunakambya Biblia kwa kutulosya buni butunakala lwango lusoga ku bitwakite, nu Biblia byatukasya kumenya bibyo bikabasila mu nkungu zikuvwa.

Soma Nimbo 119:105, nu kusila ibuzye zeno mbuzya:

• Musanzi wa luno lwimbo abezaga na makengelo makizi ku Biblia?

• Buni buli makengelo mobe nugwe ku Biblia?

4. Biblia bin’akula mbuzya zeitu

VIDEO: Ntuzimizye Kilemanizio aba Busi Bumozi! (1:48)

• Mu zeno video, mbuzya nkizi z’ibuzyaga gozo mukikulu?

• Kwijigisya Biblia kwamukasizye mu nzila nkizi?

Biblia byatukakizia buno tubuzye mbuzya. Soma Matayo 7:7, nu kusila ibuzye luno lubuzya:

• Uli na mbuzya nkizi zin’akulwa mu Biblia?

5. Unabogelabogela kusoma Biblia

VIDEO: Busomi bwa Biblia (2:05)

• Mu zeno video, ndi babo basikila nu bakinga babogelagabogelaga kusoma Biblia?

• Kabamba kakizi bese babogelabogela kusoma Biblia?

Meigisya ma Biblia menatubobelezia nu kutukasa kilemanizio kya nkungu zikuvwa. Soma Baroma 15:4, nu ibuzye luno lubuzya:

• Ndi unatunda kumenya byeingi ku kabamba ka bubobelezio nu kilemanizio kyakasana Biblia?

6. Bango bantu benatukasya kumenya Biblia busoga

Bantu beingi bekusomaga Biblia bekumonaga buno buli busoga kwijigisya Biblia gamozi na bango bantu. Soma Misako 8:26-31, nu ibuzye luno lubuzya:

• Buni butunamenya Biblia busoga? (Lola milindi 30, 31.)

MAKENGELO MANENE

Biblia byakasana nsungu nsoga ku kabamba ka kalamo ka busi na busi, by’akula mbuzya za mutali nunse, byakasa bantu bubobelezio nu kilemanizio kya nkungu zikuvwa.

Mbuzya za kwikengelesya

• Nsungu nkizi zitunamona mu Biblia?

• Biblia bikwakula mbuzya nkizi?

• Unatunda kwijigisya musagu mukizi mu Biblia?

LONDA LINGO

Nsungu za Biblia zili za mutali mu bino bindi.

“Meigisya ma Biblia—Bumenyinino bwa Milyalya” (Munara wa Mulinzi, Na. 1 2018)

Lola mu nzila nkizi Biblia byakasizye wamulume umozi walwaniaga makengelo mage kutukila nkungu z’abezaga mwana.

Buni Bunabasile Kumona Kalamo ka Mbogimbogi (2:53)

Lola nsungu nsoga za Biblia ku kikanga.

“Keinda 12 kwa Kuba na Kikanga Kili na Mbogimbogi” (Amuka! Na. 2 2018)

Lola buni bwatenda Biblia ku kabamba ka wozo wangata kisi kwa kulimbula makengelo ma buza mekubezaga na bantu.

Kabamba ka Buni Kuigisya Idagi?​—Video Insania (3:14)