ISOMO 02

Biblia Byatukasa Kilemanizio Kisoga kya Nkungu Zikuvwa

Kita impression

Mu kisi kinsania, bantu bekukulumana na tunkunku tukubalisizya bongoa, mizangozango nu nsungyo. Ndi use wakulumana nugwe na tunkunku twakukitile ujungwe bubo? Mango ukusungibwa na lusambo kishembe aba use wakwilwa na mutundwa wobe. Ukinsa uneibuzya bunee: ‘Ndi kalamo kekaba kasoga busi bumozi?’ Biblia byakasana ijakulo lya bulili ku lulo lubuzya.

1. Biblia byatukasa kilemanizio kikizi?

Biblia byalosya kabamba kabuni kisi kizile na tubebe nu byasambala lingo musagu musoga wa buno, zeno mbabazyo zinsania zili za nkungu nkeke nu zise bwigi kusila. Malagi ma Biblia menakukasa “kilemanizio mu bindi . . . bya lwabusio.” (Soma Yeremia 29:11, 12.) Mamo malagi mekutukasya kwikalila mankunku matuli namo ono lelo, nu mekutukasya kuba na makengelo masoga nu kuba na mbogimbogi za bulili.

2. Biblia bikusambala kikizi ku kabamba ka kalamo mu nkungu zikuvwa?

Biblia byatenda buno mu nkungu zikuvwa “lukuo talukaba lingo, takukaba kabebe lingo, aba idilo, aba mbabazio.” (Soma Kulolesibwa 21:4.) Mankunku mansania mekukita bantu beide mbogimbogi ono lelo, anga muzambo, buteisanana, nsambo nu lukuo, tabyabe lingo bwigi gano. Biblia byasambala buno banakantu bekabogelabogela kulama milyalya mu Paradizo ga kisi.

3. Unakita kikizi kwa kwitabizya buno kikyo kilemanizio kya Biblia kikazindilila?

Bantu beingi bekulemanina kuba na kalamo kasoga, tabenakatizya buno kilemanizyo kyabo kikazindilila. Tondo bibyo bikusambalaga Biblia bikuzindililaga lebelebe. Uneitabizya malagi mekusambala Biblia kwa ‘kugelenzula . . . masanzo.’ (Misako 17:11) Kubuno ukwijigisya Biblia, wabe na kiziki kya kwisombolela ugwenyene ndi wakatizie bibyo bikusambala Biblia ku kabamba ka nkungu zikuvwa.

TUMENYININE

Londa kumenya buni bwabe kalamo mu nkungu zikuvwa gekazindilila malagi ma Biblia. Lola mu nzila nkizi kilemanizio kya Biblia kikukasya bantu ono lelo.

Bilimelime: Lengemania bibino bilimelime bikulosya lukita lwa kalamo kekulama bantu ono lelo nu lukita lwa kalamo kekusambala Biblia ku nkungu zikuvwa. Bilimelime byasubizibwa gantata.

4. Biblia byakasana kilemanizio kya kulama milyalya mu lukita lwasililila

Lola gano gansi mamano malagi meli mu Biblia. Gesamba mano malagi, mani mawatunda tangi? Ku kabamba kakizi?

Soma masanzo matekulwa kusila mamo malagi nu ibuzye zeno mbuzya:

Ndi ukukengela buno mamo masanzo makukasa kilemanizio? Ndi menakasa kikanga kyobe nu bilemba byobe kilemanizio?

Kengela ukulama mu kisi

MUTELI MUNTU . . .	MUKABA BANTU BANSANIA . . .
ukaba na mbabazio, ukakunguka, aba kukua.—Isaya 25:8.	bekamona batundwa babo bakule, kubuno bekayukibwa nu kulama ga kisi.—Yoana 5:28, 29.
ukasamba aba kuba kitunga.—Isaya 33:24; 35:5, 6.	bekabogelabogela mubili ute na nsambo nu uli na magala.—Yobu 33:25.
ukalama mu buteisanana.—Isaya 32:16, 17.	bekaba n’idia lyeingi, numba nsoga nu mulimo musoga.—Nimbo 72:16; Isaya 65:21, 22.
ukasungibwa na bita.—Nimbo 46:9.	bekaba na bubobelelo bweingi.—Nimbo 37:11.
ukasungibwa na makengelo mabi ma wakalazi.—Isaya 65:17.	bekalama milyalya mu lukita lusoga.—Nimbo 37:29.

Mwana wabezaga musambi ona nu akumbatela nina.

Wamulume wabezaga mukungu eseli musikila nu ekwendya sakala zizile na bitogo.

5. Kilemanizio kya Biblia kinagalukya kalamo kobe

Bantu beingi bekwina mutima nu kongoa ku kabamba ka bubi bubekumona. Bamozi bekwidindikaga kugalukya bintu bibe bisoga. Lola mu nzila nkizi kilemanizio kya Biblia kya kugalukya bintu kuba bisoga kikukasya bantu ono lelo. Lola VIDEO, nu kusila ibuzye zeno mbuzya zalemba.

VIDEO: Natundaga Kulwania Buteisanana (4:07)

image kya video ‘Natundaga Kulwania Buteisanana.’ Rafika ekutubula mpamba gamozi na bantu batingana-tingana idangi lya kikoba mu nkungu z’abezaga mukinga.

Mu zeno video, buteisanana bukizi bwazangyaga-zangyaga Rafika?
Aba buno buteisanana bw’amonile tabwasilile, tondo buni bwamukasizye Biblia?

Kilemanizio kyakasana Biblia ku nkungu zikuvwa kinatukasya kukinda lukita lwa kutamba mutima nu kutukasa mbogimbogi aba buno tuli na tunkunku. Soma Misumo 17:22 nu Baroma 12:12, nu kusila ibuzye zeno mbuzya:

Ndi ukukengela buno kilemanizio kyakasana Biblia ku nkungu zikuvwa kinakita kalamo kabe kasoga ono lelo? Ku kabamba kakizi?

NDI MUNTU AKUSOLELA BUNEE: “Malagi meli mu Biblia ku nkungu zikuvwa tamekazindilila.”

Kabamba kakizi buli busoga ulonde kumenya ndi Biblia byatenda bulili?

MAKENGELO MANENE

Biblia byatukasa kilemanizio kya kalamo kasoga mu nkungu zikuvwa, nu kikyo kilemanizio kikutukasya kuba na kalamo kasoga ono lelo.

Mbuzya za kwikengelesya

Kabamba kakizi banakantu beijanizya kumenya malagi ma Kalaga?
Biblia byasambala kikizi ku kabamba ka nkungu zikuvwa?
Buni bunakukasya kilemanizio kya nkungu zikuvwa ono lelo?

Isomo lyasila ku kindi kya:

Inilo lyane:

Kumenyinina malagi ma Biblia ma nkungu zikuvwa kwa kusoma masanzo matekulwa mu lino isomo.

Ingo inilo:

Your other goal

LONDA LINGO

image kya video ‘Natundaga Kulwania Buteisanana.’ Rafika angamile gamonile bantu batingana-tingana idangi lya kikoba bakundamana gamozi g’abasile ku mikundamano za Balongeki ba Yehowa ku limbizi lyage litangi.

Londa buno umenye buni bunakukasya kilemanizio kwa kwitania tunkunku.

“Kuni K’unamona Kilemanizio kya Bulili?” (Amuka!, 22 Mwezi wa 4, 2004)

Lola mu nzila nkizi kilemanizio kya nkungu zikuvwa kinakasya babo bekulama na lusambo lwa bindi binsania.

“Biblia Binakukasya ndi Uli na Lusambo lwa Bindi Binsania?” (Musagu wa ku Enternete)

G’ukulola luno lwimbo lwa video, imone mwobe mu makengelo uli gamozi na kikanga kyobe nu mukubogelabogela kalamo mu Paradizo anga bwalagile Biblia.

Kengela Bubo Busi (3:37)

Lola buni bwagalukile kalamo ka muntu umozi g’amenyile kilemanizio kyakasana Biblia ku nkungu zikuvwa.

“Nsikwijungwa Lingo Buno Natunganana Kugalukya Kisi” (Munara wa Mulinzi, 1 Mwezi wa 7, 2013)