ISOMO 52
Kabamba Kakizi Muvwalizi nu Kwitonda Kweitu Bili bya Mutali?
Muntu na muntu kutuli eli na muvwalizi wekutundaga nu lukita lwage lwa kwitonda. Ndi twalemba kanuni kishembe za Biblia ziteli mbibu, nti twasombole busoga muvwalizi nu lukita lwa kwitonda, nu lingo nti twabogyebogye Yehowa. Kasi tutendele tangi kanuni zongo.
1. Kanuni nkizi zinatukasya kusombola muvwalizi nu lukita lweitu lwa kwitonda?
Twatunganana kusombola ‘nsulu zatananina gamozi na lwanzo [aba kutatingya myaga NWT] nu mitima za kwisungula,’ nu kumoneka buno tuli bantu ‘bekwanza Kalaga.’ (1 Timoteo 2:9, 10) Tutendele zeno kanuni inazi: 1) Nsulu zeitu zatunganana kuba “zatananina.” Anga buwamonile ku mikundamano za Kikristo, bantu ba Yehowa bekuvwalaga nsulu zatingana-tingana, tondo muvwalizi weitu nu bubo butukuswikwa aba kubegwa nzwili, bikulosya buno tuli na lwanzo ku Kalaga utukukumbamina. 2) Muvwalizi ukulosya “lwanzo [aba kutatingya myaga” kwisulwa buno tatwatunganana kuvwala nsulu zinalisizya bango makengelo mabi, aba nsulu zikulosya mwidosyo. 3) Tukulosya buno tuli na “mitima za kwisungula” kwa kuteitabizya nsulu za nkita insania aba nkita insania za kwitonda zikutundwa na bantu beingi. 4) Bindi binsania twatunganana kumoneka bantu ‘bekwanza Kalaga,’ kwa kukasya bango bamenye buno tukukumbamina Kalaga wa bulili.—1 Bakorinto 10:31.
2. Muvwalizi weitu wakite Bakristo baneitu bajungwe buni?
Aba buno tuli na bukandulwa bwa kwisombolela nsulu zitwavwale, tondo twatunganana kukengela buni bwajungwe bango ku kabamba ka muvwalizi weitu. Tukwidindikaga kutakikitania muntu, tondo “muntu na muntu wa kutuli atananizie munyage ku bubo buli busoga, buno amulindie.”—Soma Baroma 15:1, 2.
3. Mu nzila nkizi muvwalizi weitu unaluta bantu mu ikumbamino lya bulili?
Aba buno tukwidindikaga kuvwala anga bwatananina, tondo tukwidindikaga nunse kuvwala busoga gatukwenda ku mikundamano za Kikristo aba mu mulimo wa busambazi. Tatukutundaga kuvwala nsulu zinakita bantu tabakokomezie makengelo mabo ku musagu musoga utukubasambalila. Tukutundaga bantu batananizibwe na bulili kutingila muvwalizi weitu, u kutenda buno muvwalizi ‘ukulebya meigisya ma Kalaga Monia weitu’—Tito 2:10.
TUMENYININE
Lola buni butunakita kwa kuba na muvwalizi nu kwitonda mu nzila zatananina ku Mukristo.
Muvwalizi nu kwitonda kweitu kunalosya buno tuli na lwanzo ku bakulu banene aba kilo. Aba buno Yehowa ekulolaga mu mutima weitu, muvwalizi nu kwitonda kweitu kwatunganana tondi kulosya buno tuli na lwanzo kweli
4. Muvwalizi musoga ukulisizya Yehowa lwanzo
Tuli na kabamba kakizi kasoga nunse ka kusongolola muvwalizi weitu? Soma Nimbo 47:2, nu kusila ibuzye zeno mbuzya:
Kubuno tuli bakambi ba Yehowa, muvwalizi weitu watunganana kuba wa lukita lukizi?
Ukukengela buno muvwalizi nu lukita lweitu lwa kwitonda bili bya mutali gatukwenda ku mikundamano aba mu busambazi? Kabamba kakizi watenda bubo?
5. Kikizi kinatukasya kusombola nsulu zitwavwale nu lukita lwa kwitonda
Ibe buno nsulu zeitu zili za bukunza bubibu aba kilo, zatunganana kuba zenga nu zatananina ku milimo zitukukita. Soma 1 Bakorinto 10:24 nu 1 Timoteo 2:9, 10. Kusila, lola kabamba kakizi tatwatunganana kuvwala nsulu . . .
zitatunganana aba zili sampusampu anga kimbotela.
zili nigi nu zakata nunse ku mubili, aba zikulosya biganza bya mubili nu kulisizya bango makengelo mabi.
Aba buno Bakristo tabeli kunsi kwa mulembe wa Musa, tondo mulembe wongo watukasya kumenya buni buli makengelo ma Yehowa. Soma Kukokomezia Mulembe 22:5, nu kusila ibuzye luno lubuzya:
Kabamba kakizi tatwatunganana kwitonda nu kuvwala nsulu zikukita wamulume amoneke kuba anga mukikulu nu mukikulu kumoneka anga wamulume?
Soma 1 Bakorinto 10:32, 33 nu 1 Yoana 2:15, 16, nu kusila ibuzye zeno mbuzya:
Kabamba kakizi tatwatunganana kuvwala nsulu zininia bango mutima mu kolokolo zitukulama muzo aba mu ikundamano?
Muvwalizi mukizi nu kwitonda kwa lukita lukizi kukutundwa na bantu mu kolokolo zeinyu?
Ukukengela buno muvwalizi kishembe ku zezo tazatunganana ku Mukristo? Kabamba kakizi watenda bubo?
Tunavwala nu kwitonda mu nkita neingi zatingana-tingana zikutananizya Yehowa
NDI MUNTU AKUSOLELA BUNEE: “Nili na bukandulwa bwa kuvwala nsulu zinatunda.”
Ndi u buli makengelo mobe? Kabamba kakizi watenda bubo?
MAKENGELO MANENE
Ndi twasombola busoga muvwalizi nu lukita lweitu lwa kwitonda nti twalosya lwanzo ku Yehowa nu ku bango.
Mbuzya za kwikengelesya
Kabamba kakizi muvwalizi weitu nu lukita lweitu lwa kwitonda bili bya mutali ku Yehowa?
Kanuni nkizi zinatukasya kusombola nsulu zitwavwale?
Muvwalizi nu lukita lweitu lwa kwitonda binakita bango bamone buni ikumbamino lya bulili?
LONDA LINGO
Menya bantu benaba na makengelo makizi ku kabamba kobe kutingila muvwalizi wobe.
“Muvwalizi Wane Ukulosya Buno Nili Muntu wa Lukita Lukizi?” (Musagu wa ku Enternete)
Lola kabamba kakizi buli busoga kumenya mbaselo mbi za nkembe (tatouage) lwabusio lwa kubitabizya.
“Biblia Byatenda Kikizi ku Kabamba ka Nkembe?” (Musagu wa ku Enternete)
Lola ingo kanuni zinatukasya kusombola muvwalizi weitu.
“Ndi Muvwalizi Wobe Ukuganuna Kalaga?” (Munara wa Mulinzi, Mwezi wa 9, 2016)
Mukikulu umozi watundaga kutananizya Kalaga, ijigisizye kwitabizya makengelo ma bango ku kabamba ka muvwalizi
“Muvwalizi nu Kwitonda Kwane, Byansubyaga Mbusa” (Amuka, 22 Mwezi wa 12, 2003)