ISOMO 54
“Mukobe Mukatizia Uli na Menge” Ekukitaga Mulimo Mukizi?
Yesu u itoe ly’ikundamano lya Kikristo. (Baefeso 5:23) Kutukila mwigulu, Yesu ekusondelezya ono lelo beigisibwa bage ga kisi kutingila “mukobe mukatizia uli na menge.” (Soma Matayo 24:45, NWT.) Kubuno “mukobe” imikilwe na Yesu winyene, kasi eli na bukandulwa bwa kukata bulamuzi kishembe. Ku bubo, mukobe atunganana kwanza Kristo nu kukambela mibuto zage. Wozo mukobe u nazi? Nu ekutukungaga mu nzila nkizi?
1. “Nazi u mukobe mukatizia uli na menge”?
Bindi binsania Yehowa ekukambyaga wamulume aba kibombo kikeke kya bamulume kwa kusondelezya bantu bage. (Malaki 2:7; Baebrania 1:1) Kusila lukuo lwa Yesu, basingwa nu bakungu ku Yerusalema u basondelezyaga bantu ba Kalaga. (Misako 15:2) Kulembana na bubo, ono lelo tondi, kibombo kikeke kya bakungu, u kutenda buno Lusu Lukusondelezya lwa Balongeki ba Yehowa—lukukasa bantu ba Kalaga idia lya mutima nu—kusondelezya mulimo wa busambazi. Kibombo kyongo u “[mukobe] mukatizia uli na menge, . . . wabikilwe [na Yesu.]” (Matayo 24:45a) Bakungu bansania ba Lusu Lukusondelezya beli Bakristo batogibwa mwambo, beli na kilemanizio kya kwenda kwangata gamozi na Yesu mu Bukota bwage bwa mwigulu gabasila kalamo kabo gano ga kisi.
2. Idia nkizi lya mutima likutukasaga mukobe mukatizia?
Yesu atendile buno mukobe mukatizia atungananine “kukasa [beigisibwa ba Kristo] idia mu nkungu nsoga.” (Matayo 24:45b) Anga bukutukasaga idia magala nu kutukasya kuba na lukita lusoga lwa mubili, idia lya mutima—u kutenda buno meigisya matuka mu Kitondo kya Kalaga—mekutukasa magala matwijanizya kwa kusigala bakatizia ku Yehowa nu kukita busoga mulimo utwakasilwe na Yesu. (1 Timoteo 4:6) Tukumona idia lyongo lya mutima ku mikundamano, ku misanganano za mutimbo nu za kolokolo, nu misanganano minene. Nu lingo kutingila bitabu nu video zalemanina Biblia zikutukasya kumenya ntundo za Kalaga nu kugugumania bwida bweitu gamozi nage.
TUMENYININE
Lola kabamba kakizi twijanizya “mukobe mukatizia uli na menge”—u kutenda buno Lusu Lukusondelezya.
Lusu Lukusondelezya, lukutukasa idia lya mutima, busondelezya nu nkaso zijanizya Balongeki ba Yehowa mu kisi kinsania
3. Bantu ba Yehowa batunganana kulongekwa
Kunsi kwa busondelezya bwa Yesu, Lusu Lukusondelezya lukulongeka mulimo wa Balongeki ba Yehowa. Anga bubo bwasondelezyaga Yesu Bakristo ba nkungu za basingwa. Lola VIDEO.
Soma 1 Bakorinto 14:33, 40, kusila ibuzye luno lubuzya:
Buni bwalosya lino isanzo buno Yehowa ekutunda bakambi bage balongekwe?
4. Mukobe mukatizia ekulongekaga mulimo weitu wa kusambala
Kusambala u mulimo munene wakitaga Bakristo mu nkungu za basingwa. Soma Misako 8:14, 25, nu kusila ibuzye zeno mbuzya:
Gesamba Bakristo ba nkungu za basingwa, banazi basondelezyaga mulimo wa busambazi?
Buni bwakitile Petro nu Yoana ku busondelezya bubakasilwe na basingwa banyabo?
Kusambala u mulimo wa mutali nunse ukulongekwa na Lusu Lukusondelezya. Lola VIDEO.
Yesu alosizye buno kusambala u mulimo wa mutali nunse. Soma Marko 13:10, nu kusila ibuzye zeno mbuzya:
Kabamba kakizi Lusu Lukusondelezya lukumonaga buno mulimo wa kusambala uli wa mutali nunse?
Kabamba kakizi twijanizya “mukobe mukatizia uli na menge” kwa kulongeka gono mulimo ukukitwa mu kisi kinsania?
5. Mukobe mukatizia ekusondelezyaga bantu ba Kalaga
Bakristo ba kisi kinsania bekusondelezibwa na Lusu Lukusondelezya. Kikizi kikukasyaga Lusu Lukusondelezya kukala lwango lwatananina? Lola mu nzila nkizi Lusu Lukusondelezya lwakitaga bubo ku Bakristo mu nkungu za basingwa. Soma Misako 15:1, 2, nu kusila ibuzye zeno mbuzya:
Kikizi kyalisizye myango gesamba Bakristo mu nkungu za basingwa?
Paulo, Barnaba nu bango, bendile ku banazi kwa kusila myango?
Soma Misako 15:12-18, 23-29, nu kusila ibuzye luno lubuzya:
Lusu Lukusondelezya lwa nkungu za basingwa, lwakitile kikizi kwa kulonda busondelezya bwa Kalaga kwa kukala lwango kishembe?—Lola milindi 12, 15, nu 28.
Soma Misako 15:30, 31 nu 16:4, 5, nu kusila ibuzye zeno mbuzya:
Bakristo ba nkungu za basingwa bakitile buni ku busondelezya bubakasilwe na lusu lukusondelezya?
Buni bubamonile mponga za Yehowa ku lwanzo lubalosizye?
Soma 2 Timoteo 3:16 nu Yakobo 1:5, nu kusila ibuzye luno lubuzya:
Ono lelo, Lusu Lukusondelezya, lukusondelezibwa na kikizi kwa kukala lwango kishembe?
NDI MUNTU AKUSOLELA BUNEE: “Ndi wungwilila Lusu Lukusondelezya, nti ukulemba tugu banakantu.”
Kikizi kyakutitikizia buno Lusu Lukusondelezya, lukusondelezibwa na Yesu?
MAKENGELO MANENE
Lusu Lukusondelezya u “mukobe mukatizia uli na menge” wabikilwe na Kristo. Lukusondelezya Bakristo mu kisi kinsania nu kubakasa idia lya mutima.
Mbuzya za kwikengelesya
Nazi wabikile “mukobe mukatizia uli na menge”?
Lusu Lukusondelezya lukutukungaga mu nzila nkizi?
Ndi wakatizia buno Lusu Lukusondelezya u “mukobe mukatizia uli na menge”?
LONDA LINGO
Lola buni bwalongekwa Lusu Lukusondelezya kwa kukita mulimo.
“Lusu Lukusondelezya lwa Balongeki ba Yehowa u Kikizi?” (Musagu wa ku Enternete)
Lola buni bukukitaga Lusu Lukusondelezya kwa kutitikizia buno twamona idia lya bulili lya mutima.
Buni bukwijungwaga mibuto ba Lusu Lukusondelezya ku kabamba ka mulimo ubakasilwe na Yesu?
Mu nzila nkizi mikundamano nu misanganano zeitu zalosya buno Yehowa u ukusondelezya Lusu Lukusondelezya?