Nga ni zø ná saa djo ka ndi kó ni tsotso ná lo
Alø “Kiroho nǎ dyi” ni djǒ na
“Ma di ma mbu bʉ thí bʉni nari bbai ró, Yova adi ma li kpakpa JW TV djó adi si ná dyi chulu.”—Lorraine, États-Unis nǎ.
Drrdrrnga djó ro Wakristo adi Mungu má “Kiroho nǎ dyi” chulu. (Kol. 3:16) Njati ni lø fø dyi ni djǒ na ró, ri ka ndi kó ni tsotso nga dyi dhi buku kʉ nidhó inga nga elektronike dhi ritsi kʉ nidhó ná saa na maddi. Ambu ni tsotso ka ndi kó nja ni lø dyi ni djǒ na d’e ná i lo.
Azø dyi nǎ lo li ni li ni dyu ro ndiro ni famu ri na mana d’e. Bblo ni famu ná lo nga ni no nari e sʉsʉ. Kodhó dyi krʉ nǎ lo, føri i kʉ, ka le ka ná dyi ma, nzø dhó dyi ma na nǎ lo krʉ kʉ jw.org djó. Library djó Muziki dhi ngana.
Andi dyi nǎ lo ni thó na papie djo. Fø ni njiri nari rili ni nó ri nga gʉ bblo pli.—Kum. 17:18.
Ango dyi ni chu bbobbori na. Azø dyi inga ango ri bí ina.
Amburi ni chu ni ká ri nga no nì ma nari. Amburi ni no dyi nga nzá ni nja dyi nǎ lo ro ndirigoti anja ni ká ngo ri d’ʉ ngbà ma nari.