Aneri ni ba njí ni ka ni njí na ná kiroho nǎ mali

Biblia ko zø ná saa na, ringani ko ne kiroho nǎ mali utafiti ko nji fø lo djo nari chulu. Nde ko ká ka ko ba faida bbo ngbaribbai?

Ane lonanga bbo Biblia nǎ ro ni zø ná nini lo djo. Loroji na, ane ni chu fø lo ká ie ndi, ie dho ndirigoti ngbá saa na nari. Ri ká ngʉe ngbá hali nǎ, ri njí ndirigoti ri goti ká ngbá lo njingʉeni?

Addinga ri nǎ somo djo i di ná lo ni dhu ni tsó nari chulu: ‘Ma lo zø djo ná ndrŭ ká ngʉ ndima mbu ngbaribbai? Ndrŭ ká dhongʉe ngbá sifa? Madho ká ringani ma dyø fø sifa inga ma pʉ ri pʉ ma ró ro addudho?’

Anjinjí ni jifunza ná somo na lod’radha dhi njí kana inga nja ndrŭ na ni njini nari kana. Fø ni rinji nari na, ni Mungu dhó nyodyu dhǒ, Biblia ripo nari bbai: “Nyodyu na kʉ ná ke si njínji i lo na.”​—Zb. 107:43.

• Ni tsotso ka ndi kó na lo: Anja ngbaribbai ma kodhó yenga ddo kana ko adi nji ná njudha nǎ Mungu dzá lo nǎ bbo na mana kʉ ná lo dhi sehemu adi ko tsotso kó ko njínji ko zø ná lo na nari. Fø sehemu nǎ kʉ ko ka ko dhu ko tso ná ngadhudha ma, bbo djo ko ka ko ddinga ná lo ma, ko ka ko njí na njí ná loroji ma na.