SOMO 2

Ngbaribbai ma ni ka ni tilo nari

2 Wakorinto 2:17

LO DZÁ DɄNGA: Atilo ni adi loti nari bbai ndirigoti ri si ni thí nǎ ro ndiri na ni dhǒ ngbaribbai ma ni ni mbu ni ti ná lo ma, nidhó lo rr ná ndrŭ ma na djo nari d’e.

RI NI KA NI NJÍ NÁ CHU:

Atayarisha ni sala chulu ndirigoti bblo. Anji sala ndiro ni li nidhó ngaddidha ni ti ná lo djo, ro nga ni djo ri. Afamu ni ji ni d’ra ndrŭ dho ná bbo na mana kʉ ná lo bblo. Atilo ni adi loti nari bbai, nzɨ zø ndi le ndi na lo dhé.

Njati rie ni kperi ni zø lo Biblia nǎ ro inga nja kichapo nǎ ro ró, afamu ri bblo ndiro ni si ri zø bblo d’e. Njati le d’ra ddikpa d’i ke poe ná lo ró, azø ri fø ke nganga ka ndi poeri nari bbai, ro nzɨ njiri teatre bbai.
Atilo ni thí nǎ ro. Addinga addudho ma ndrŭ dhó lo ji ndima rr fø lo nari djo. Ali ni dyu li kpa ro. Føro ngbaribbai ma ni tøni nari ma, nidhó jeste ma, ni nyǒ djonga ma na ka ndi dhori ni ti ná lo kʉ bbʉbbʉ ndirigoti ni kʉ kau adi nji ndrŭ na ná ke.

Lo ni ti ni adi loti nari bbai nari nzá pori nzɨ ni bbʉ heshima ndrŭ dho lo ni ti ná saa na ri. Adho heshima ni ti ná lo dho pʉlʉpʉlʉ ndirigoti bblo ni loti nari na.
Anja lo ni ti na ná ndrŭ nja. Adi ndrŭ njanja rie nga fø le rinji nari kʉ che ni di ná ngana ri ró. Hotuba ni bbʉ ná saa na, adi ndrŭ nja ddiddiro, ndrŭ krʉ ni njae ddikpa saa na nari rɨngana.