SOMO 11

Wa le ronga wa nari

Waroma 12:11

LO DZÁ DɄNGA: Acho lo rr ná ndrŭ ronga ndima é lo rrdha dyu na bidii na ni loti nari chulu.

Abbari ni ddi ná lo lø ni thí ronga. Nidhó kipindi ni tayarisha ná saa na, addinga bbo ri na mana djo. Afamu ni si ddi ndrŭ dho ná lo bblo ndiro ni si po ná lo si ni thí nǎ ro d’e.
Addinga lo rr ná ndrŭ djo. Addinga ngbaribbai ma ni si po ná lo inga ni si zø ná lo si faida bbʉ lo rr ná ndrŭ dho nari djo. Addinga ngbaribbai ma ni ka ni d’ra fø lo lo rr ná ndrŭ nyǒ ri ka ndi tho bbo ná chulu nari djo.
Anji nidhó kipindi wa ni ronga wa ro. Atilo bidii na. Lo ni ti ná saa na, aliri ni nji ná jeste ma, ni nyodjonga ma na dhǒ ngbaribbai ma ni ni mbu fø lo djo nari.

Anji kpakpanga ndiro nzɨ ni ngbʉ lo rr ná ndrŭ djonga ddikpa jeste ni nji bí ina nari na ró. Anji ngbà tso gbani ni ti ná lo na ná jeste. Atilo wa ni ronga wa ro bbo na mana kʉ ná lo ni ddi ndrŭ dho ná saa na ndirigoti ni ji ni cho kpa ronga njí dho ná saa na. Nzɨ tilo gʉ nga djolu ni ronga wa ro, føri ka ndi njé ndrŭ nje.