SOMO 18

Addi longa bblo nidhó lo rr ná ndrŭ dho

1 Wakorinto 9:19-23

LO DZÁ DɄNGA: Aliri nidhó lo rr ná ndrŭ ddinga ni loti djo ná lo djo, ndiro kpa nja ndima jifunza nari kʉ lazima dhi lo nari d’e.

Addinga b’lo ndrŭ churie ná lo djo. B’lo kpa rr rie ná lo djolu dhé ni ngʉé nari rɨngana ako kpa tsotso ndima nja fø lo nja d’i kʉ ná chu na.

B’lo ndrŭ chu ná lo djo ni loti ná saa na ada ri djolu lelé, ro ø lo djo ni loti ná saa na atilo dzodzo.
Anji utafiti ndirigoti addinga lo djo bbo. Ngbà ri ka ró, anjinjí nzá chuni bbo ná lo na inga ø njini ná lo na ndiro ni tu bbo na mana kʉ ná lonanga d’e. Addinga bbo ni ji ni ddi ná lo djo ndirigoti anja ngbaribbai ma ri ma ronga nju ni po ná lo na nari.

Ni si loti djo ná lo nanga ni ne ná saa na, andri nidhó ngaddidha nanga i di ná lo ro ni dhú ni tsó nari chulu, ‘Addu? Addudho? Ngbá saa na? Ngbaga? Aie? Ndirigoti ngbaribbai?’ Ni longaddi nari kana anjinjí fø ngadhudha kana nja ri ro na ndirigoti angʉ ri goti nidhó lo kana.
Adho nidhó lo dzá bblo nga. Atu ngbaribbai ma Biblia nǎ kʉ ná lo ka ndi kó nidhó lo rr ná ndrŭ tsotso ndima dhó maisha nǎ nari nanga. Atilo nidhó lo rr ná ndrŭ dhó lo na gbani ná lo djo ndirigoti kpa nji ná lo djo.