Atu andiko nanga pʉlʉpʉlʉ

Yohana 10:33-36

LO DZÁ DɄNGA: Nzɨ zø andiko dhé ndirigoti ni tini nja kʉ ná lo djo. Aliri lo rr ná ndrŭ nja ngbaribbai ma ni zø ná andiko tso nju ni ji ni ddi kpa dho ná lo na nari.

RI NI KA NI NJÍ NÁ CHU:

• Adho bbo nǎ mana kʉ ná lo pʉlʉpʉlʉ. Andiko ni zø nari goti, adho nju tso nju ni loti djo ná lo na ná lo pʉlʉpʉlʉ. Fø ni ka ni njiri fø lo djolu ni ngʉ nari na inga lo rr ná ndrŭ tsó ni ngbà ka ndi liri kpa nja bbo nǎ mana kʉ ná lo ná ngadhudha dhu nari na.

• Angʉ ni ji ndrŭ nonga ná lo djolu ngʉ. Njati ni dho ddikpa andiko ni zø dho ná sababu ró, ad’ra addudho ma ri nǎ bbo na mana kʉ ná lo tso nju fø sababu na nari.

• Aliri ndrŭ famu somo dhʉdhʉ kʉ ná chu na. Nzɨ tu niní kʉ ná lo nanga bbo dhonalo føri nzá ka ndi li ndrŭ no bbo nǎ mana kʉ ná longa ri. B’lo ndrŭ chu ná lo ró ro, avʉ thɨ kʉ ná lo djo ma ni ka ni tilo nari ndiro nidhó lo é pʉlʉ ndirigoti ndrŭ famu ri bblo d’e.