Nzɨ le do nji nari

Yesu njingʉe ná lo

VIDEO: Yesu lod’ra Zakayo dho

1. Anja VIDEO, inga azø Luka 19:1-7. Føri goti addinga i ngadhudha djo:

1. Nja ndrŭ ká ngʉ adi Zakayo tso nyinyi addudho?

2. Yesu ronga ká ngbá lo chongʉe ndiro ndi d’ra hwè dhi lo-i ke dho ngodhé d’e?

Ko ká ba ngbá somo Yesu dhó lo nǎ ro?

2. Ringani ko é nga nǎ do ro ndiro ko d’ra lo krʉ kʉ ná ndrŭ dho d’e.

Adyø Yesu

3. Ali ni thí Yova djo. Mungu dhó roho bbʉngʉe kpakpanga Yesu dho ndiro ke d’ra lo d’e ndirigoti ri ka ndi kó ni tsotso maddi. (Mt. 10:19, 20; Lu. 4:18) Anziri Yova kó ni tsotso nzɨ ni nji do ndiro ni d’ra lo nji do ni nji ná ndrŭ dho d’e.​—Mdo. 4:29.

4. Nzɨ di lod’i ndrŭ djo. Njaro ko nanga ka ndi rɨni rɨ nja ndrŭ dho ko lod’ra nari dho. Njaro føri ka ndi é kpa nyǒ djó nga ma, kpadhó familia ma, kpadhó mali ma, kpadhó maisha inga kpa u ná lo ko nja nari ma na djotsina. Ro, anonga nari kʉ:

1. Yova ma, Yesu ma na dhé ka ndima zø ndrŭ thí nǎ kʉ ná lo; ro nga ko ri.

2. Ri nzá ngani ko nja ddikpa le ro maddi nzá tsotso Yova ka ndi kó nari bbai ri.

5. Nzɨ nji do, ro adi heshima na ndirigoti krr. (Mt. 10:16) Nzɨ di ddani dda ndrŭ na. Ad’ya lo tso heshima na njati ddikpa ke ji ndi rr nidhó lo nzá inga ni njari ni kʉ hatari nǎ ró.​—Mez. 17:14.