NDRŬ RONGA LE NGɄ BE NARI
Mdo. 19:8-10
SOMO 7
Nzɨ le ji d’i nari
Kanuni: “Kpa rangʉe anzi longa ndima ddi ndirigoti hwè lo-i ndima d’ra nari na.”—Matendo 5:42.
Paulo njingʉe ná lo
1. Anja VIDEO, inga azø Matendo 19:8-10. Føri goti addinga i ngadhudha djo:
Gʉ nja ndrŭ ngʉ ndidhó lo gʉ ná saa na Paulo d’ié ji nari rɨngana ká ke rangʉe anzi ngbaribbai ngbà nanga jini ná ndrŭ tsotso ndi kó nari na?
Paulo ká ngʉngʉe longaddi ngbà nanga jini ná ndrŭ dho thɨ ina ndirigoti fø lo ká ke njingʉe thɨcha?
Ko ká ba ngbá somo Paulo dhó lo nǎ ro?
2. Ringani ko bbʉ kodhó saa ma, kodhó kpakpanga ma na ndiro ko ngʉ ndrŭ ronga be ndirigoti ko nga funzo tso d’e.
Adyø Paulo
3. Aliri nidhó programu tso gbani gba nja ndrŭ dhó ri na. Adhuri ni tso: ‘Bblo ká ko ka ko nju ke na ngbá saa na ndirigoti ngbaga? Bblo ká ke ka ndi tilo ma na ngbá saa na ndirigoti ngbaga?’ Adi tayari ni ngʉ ke ronga be rie nzá ma nidhó saa tso nju kedhó ri na ri ró.
4. Anikpe luti ni si loti ke na ná saa. B’lo ni dya lotidha tso ke na nari goti, anikpe luti ni si loti ke na ná saa. Anji kpakpanga ni nju ni rr eni djo ná ngana ndirigoti ni kpee ná saa na.
5. Adi ngab’odha na. Nzɨ di riddi nari kʉ ddikpa le ro ni si bí ina nzɨ abba inga le ró njí kʉ bbo ná føri na mana kʉ le nanga jini nzá ri. (1 Ko. 13:4, 7) Føri rɨngana, nzɨ d’i ji nyodyu na ni njínji nidhó saa na nari kana.—1 Ko. 9:26.
GODHÉ ANJA
Mdo. 10:42; 1 Ko. 9:22, 23; 2 Ko. 4:1; Gal. 6:9