Ngatso le ve nari

Yesu njingʉe ná lo

VIDEO: Yesu adjo ndi tsotso kó ngatsovedha na

1. Anja VIDEO, inga azø Yohana 7:3-5 ndirigoti 1 Wakorinto 15:3, 4, 7. Føri goti addinga i ngadhudha djo:

1. Anziro ká Yesu djoi njangʉe ke ngʉ d’ra ná lo ngbaribbai?

2. Addui ká ridho nari kʉ Yesu nzá d’ingʉe ji ndidhi djona Yakobo ró ro ri?

Ko ká ba ngbá somo Yesu dhó lo nǎ ro?

2. Ringani ko é ngatsovedha na dhonalo nja ndrŭ nzá ka ndima u hwè lo-i lele nja ndrŭ bbai ri.

Adyø Yesu

3. Amburi ni njinjí njonjo ufundi na. Njati ddikpa le u Biblia nǎ funzo tso lele nzá ró, nzɨ cho le kpakpanga na ri dho. Ngbà thonga ná saa na, anjinjí video na inga nja vichapo na ndiro ni kó le tsotso le famu ngbaribbai ma ko adi Biblia jifunza nari ndirigoti ngbaribbai ma le ka ndi ba faida ri nǎ ro nari.

4. Nzɨ di nja le ddi nja le na. Ndrŭ krʉ nga e ddiddi ri. Njati familia nǎ ddikpa le inga ngʉ ronga ni ngʉ be ná le u Biblia nǎ funzo tso nzá inga le u Biblia nǎ mafundisho nzá ró, aneri ni chu addudho ma le rinji fø nari. Le ro ká chini dini nǎ ddikpa mafundisho ro na ddi? Inga le ká kpakpalo ba ndidhó familia dhó ro inga nja ndrŭ dhó ro? Abba saa le dho le ddinga ni po ná lo djo ndirigoti le nja Biblia nǎ lo dzá faida ndi ndiro.

5. Adi sala nji ngbà nyǒ lo tho ná le dhó lo djo. Anziri Yova kó ni tsotso ni é bblo nganjadha na ndirigoti nyodyu na. Anziri Yova kó ni tsotso ndiro ni chu ddikpa le nyǒ ká lo tho nzá bbʉbbʉ ma nari ndirigoti ni d’i le ronga bedha tso ká ni ka ni bbá ngbá saa na ma nari utso.​—1 Ko. 9:26.