Ali ni ndrŭ rɨngana

Yesu njingʉe ná lo

VIDEO: Yesu zø bé birobiro kʉ ná ndrŭ djo

1. Anja VIDEO, inga azø Marko 6:30-34. Føri goti addinga i ngadhudha djo:

1. Yesu ma, ndidhó mitume ma na ká jingʉeri ndima ra “di nga nja ndrŭ kʉ ná ngana” addudho?

2. Yesu ronga ká addu chongʉe ndi ddi longa birobiro kʉ ná ndrŭ dho d’e?

Ko ká ba ngbá somo Yesu dhó lo nǎ ro?

2. Nja ndrŭ rɨngana ko ko li nari adi ko ronga cho ko d’ra hwè lo-i kpa dho ndirigoti ko kó kpa tsotso maddi.

Adyø Yesu

3. Adi ndrŭ rr li ni li ni dyu ro. Abbari ke d’ra ndi thí nǎ kʉ ná lo. Nzɨ d’i ke tso nǎ lo nanga inga nzɨ be ngbaribbai ma ke ndi mbu nari ma, ke nanga d’o ná lo ma na ke d’ra ni dho nari pá. Ni di ke rr li ni li ni dyu ro ró, føri na ni ridho ni ngaddi nì ke djo.

4. Adi ngaddi ji nanga jini ná ndrŭ djo. Ke na ni ti ná lo ró ro, adhuri ni tso:

1. ‘Kedhó lo ká uri ndi rr bbʉbbʉlo addudho?’

2. ‘Biblia ke jifunza nari ká ka ndi liri kedhó maisha é bblo pli njʉ ndirigoti gosi ná saa na ngbaribbai?’

5. Atilo ndrŭ na ngbà ka ndi kó ndrŭ tsotso ná lo djo. Ngbà ri ka ró, lele adho ngbaribbai ma Biblia ke jifunza nari ka ndi liri ke ba ndidhó ngadhudha goti ndirigoti ndi kó ke tsotso njonjo kʉ ná chu nǎ nari.