Ni ká pɨ ngbá muradi gosi ná njí dhi cho dho?

Kiroho nǎ muradi tsu ndi nǎ nari kʉ ko ka ko njí kpakpanga na ná njí krʉ ndiro ko bbʉ hwè Yova dho ndirigoti ko njinjí ke dho bbo d’e. Føri adi rili ko dhidhi kiroho nǎ ndirigoti føri kʉ bblo ko ka ko njinjí kodhó saa ma, kpakpanga ma na ná chu. (1Ti 4:15) Ri ká ngani ko di ngaddi kodhó muradi djo bí ina addudho? Dhonalo hali thika ka ndi øni ø maddi. Njaro anziro djo ko ddienga ná muradi djo nzá ko tso ka ko si ri, inga ko ka ko si ri djo si ndirigoti ko li d’i muradi ko nji.

Bblo le ka le li muradi le nji ná saa kʉ ø njí dhi cho tso ngani nari njí. Anitilo fø lo djo ibada ya familia dhi saa na ndirigoti anili ni kana nja le ddiro inga familia tso ka ndi si djo ná muradi ni nji.

Ni ká lirie ngbá muradi ro ni njí i lo kana, ndirigoti ni ká lø ngbá mupango ndiro ni si ri djo d’e?