Anjinjí JW.ORG djó Anji le tsu djo nanga na, lo ni d’ra ná saa na

Kodhó site djó Anji le tsu djo nanga na zødha dhi ritsi ma, video ma na le li ndi drr ngbà nanga jini lo rrdha dho ná nga kʉ Yova dzá Dimu ná ndrŭ d’e. (Mdo 13:48) Bí ina ri adi loti bí kʉ ná ø lo djo inga ndrŭ adi ddi ndirigoti ndrŭ adi po ná lo djo.

Ni ká ka ni njinjí ngbaribbai jw.org djó Anji le tsu djo nanga na, lo ni d’ra ná saa na?

• Adi tsu kodhó site djo bí ina. Aneri ni nja ø le li Anji le tsu djo nanga nǎ ná lo ndirigoti anja ngbaribbai ma ni ka ni njinjí fø lo na ni kó ji nanga jini lo rrdha dho ná ndrŭ tsotso d’e nari. (Ndiro ni ba Anji le tsu djo nanga nǎ ø le li ná nja lo d’e atsu Kiswahili nǎ “Ona Zaidi” le ndi ná ngana.) Rie nì ni kodhó site djó ø si ná lo ne thei ri ró, føri ka ndi kó ni tsotso ni é ø ngaddidha na ni nji na njí lod’radha kana d’e.

• Anjinjí Anji le tsu djo nanga na kʉ ná zødha dhi ritsi ma, video ma na ni ngá na lo tso d’e. Fø ritsi ka ndi kó ko tsotso ko chu kodhó eneo nǎ ndrŭ dhó ngaddidha.

• Adho ndrŭ dho Anji le tsu djo nanga. Atilo wazi kʉ ná lo djo ndirigoti adho ngbaribbai ma le ka le njinjí kodhó site na nari.

• Acho lie (lien) ndrŭ dho. Nja ndrŭ nzá jirieri ndima tilo ko na ddikpa ngana ko kʉ ndima na ro ri, ro kpa adi riji ndima chu kodhó site djó kʉ ná lo i chu. Føri dho nzɨ cho ni tso ngbà na nga jini ná ndrŭ dho ni anji le tsu djo nanga ma, zødha dhi ritsi ma inga føga kʉ ná video ma na dhi lie cho nari ró.